مجیب

حمید ګل ته د پاکستان او افغانستان د اسلامي تندلارود همکاري د تنظیمونکي او ستراتېژي جوړونکي په نوم ګوته نیول کیږي.

حمید ګل:

پاکستانۍ نظامي او سیاستمدار. په ۱۹۳۶ کي زېږېدلۍ، د ۱۹۸۷ـ ۱۹۸۹ کلونو په دوره کي د څارګري خدماتو آی اېس آی مشر وو.

د هغو تروريستي ډلګیو تود مدافع دی کومي چي په کشمیر کي د هندي ادارې په ضد جنګېږي.

په افغانستان کي د روسانو ضد جګړې پر محال افغاني چریکانو ته د امریکايي مرستو په رسونه کي شریک وو. اوس دی له طالبانو سره دځان د کومو رسمي اړیکو له شتون نه انکار کوي.

د حمید ګل نوم د څارګري په هغو پاڼو کي چي د ويکي ليکس لخوا رالوڅي شوي بېشمېره ځله راڅرګندېږي. ده ته د طالبانو د پاکستانۍ شبکې (جال) د مشرې غڼې په سترګه کتل کېږي.

ويکيلیکس حمید ګل په نړیواله کچه نومېالۍ کړ.

د دوو ناچیزو شپو په لړ کي له حمیدګل نه یوه نومېالۍ څېره جوړه شوه. او ناببره په افغانستان کي د امریکې او لویدیځ لویترینې ستونزي ـ د جګړي څېرې نوم پیدا کړ. د دې حقیقت دلیل چي سړی نه شي کولای پر طالبانودي بریالۍ شي دا دی چي طالبان په پاکستان کي ډیر غوره مرستندوېان لري.

د دې مرستندوېانو منځکي مخکښترینه څېره د پاکستان د څارګرې ادارې پخوانی مشر حمیدګل دی. دهغو کسانو دوینا سره سم چا چي د ویکیلیکس لخوا د رابربنډو شوو ۹۲ زره اسنادو ډېرۍ برخه کتلي ده، د حمیدګل نوم په هر هغه ځای کي راڅرګندېږي چېرته چي لویدیځو څارګرو ادارو د طالبانو او د بېلابېلو پاکستاني تندلارو تر منځ د اړیکو پل پیدا کړی.

مرکه

له ویکیلیکس نه خپرې شوي افشاګریوي څه لو حیرانونکی خبر نه ده. په دې وروستیو کي دسږکال د جون په پیل کي جرمني خبري مجلې ، دیېر شپیګل، له حمیدګل سره مرکه درلوده. هلته دی ډېر بربڼډ لکه د طالبانو د ویاند په څېر راڅرګندېږي.

(له دا ناست رژیم سره څه روغه جوړه اصلاٌ ناشوني ده) دا د ده وینا ده. طالبان به افغانستان نیسي. د دیېرشپیګل سره په مرکه کي ده په پرېکنده ډول وویل چي که لس زره انسانان، چي حمیدګل هغوی ته لاسپوڅي همکاران او خاېنین وایی، د طالبانو د بېاواګې نیولو په موکه ووژل شي دا به له هغه څه نه چي سړی ېې باید انتظار ولري زیات نه وي.

تندروي (بنسټپالنه)

۷۳ کلن حمیدګل رسماٌ د چارو د واک له ټولو موقفونو نه وتی دی. خو که څوک د ده د کاري سابقې بخۍ راوسپړي دا به راڅرګنده شي چي ده ټوله موده د پاکستاني سیاست له تندلارو سره خپلي پټي اړیکي دوامداره پاللي دي. کله چي ده د پاکستان د څارګرې ادارې ټاپ ته ترقي وکړه او په ۱۹۸۷ کي ېې د آی ایس آی د څارګري خدماتو د غښتلې ادارې مشري خپله کړه، دا ېې د اخواني ضیاالحق، چي واک یی په ۱۹۷۷ کي د یوې نظامي کودتا په مټ نیولی وو، سره په شراکت کي وکړای شو. د طیارې په رالوېدنه کي د ضیاالحق له مړینې نه موده وروسته کله چي بېنظیره بوټو په ۱۹۸۸ کي واک ته ورسېده، حمیدګل وشړل شو.

په دې وخت کي نو حمیدګل په دې برېالۍ شوی وو چي په افغانستان کي د اسلامي بنسټپالو تر څنګ په کشمیر کي له پاکستاني چریکي او تروریستي ډلګیو سره هم نژدې اړیکي ټینګي کړي. په ورته وخت کي ده په ایم ایم اې (جماعت اسلامي) کي، یو بنسټپاله اسلامي ګوند کي چي مشري ېې د نورو ترڅنګ قاضي حسین احمد کوله، خپل ارتباطات ټینګ کړل. په دا وروستیوکلونو کي قاضي حسین احمد څو ځلي په پام راپاروونکي ډول راڅرګند شوی دی. د نورو تر څنګ هغه وخت کله چي ده په امریکې د یولسم د سپتمبر د تروریستي حملې پړه پر یهودو واچوله. رښتیا په۲۰۰۴ کي په اسلو کي د اسلامي کلتوري مرکزپه جومات کي د قاضي حسین احمد تود هرکلۍ وشو.(ژباړن: هغه وخت ق. ح. احمد د يادشوي مرکزچي پاکستانیان یی چلوي په بلنه اسلو ته راغلی وو او نه یوازي د یاد شوي اسلامي مرکز غړیو ورسره وکتل بلکه د هغه وخت د کمونونو د چارو وزیرې ارنا سولبرګ چي د ښي لاسي یا (هوېېره) ګوند(د ناروې دوهم لوی سېاسي ګوند)مشره هم ده ورسره وکتل. همدارنګه د ناروې د ولسي جرګې د بهرنیو اړیکو د کمیټي ځینو غړو هم ورسره وکتل چي په هغوی کي د يادې شوې کمیټې مشر تور بیورن یاګلاند چي د واکمن کارګر ګوند(د ناروې تر ټولو ستر سیاسي ګوند) وتي څېره ده هم وکتل.

http://www.vg.no/nyheter/innenriks/artikkel.php?artid=240913

ویشلي نړی

حمیدګل په اسلام آباد کي په یوه بنګله کي ژوند کوي او د بهرنیو ژورنالیستانو له منلو سره هېڅ اختلاف نه لري، هغه څه چي ده ته د دې موکه ورکوي چي هغوی ته د خپلې جهانبینۍ په هکله وضاحت ورکړي. د ده له بیان سره سم نړی پر دوو برخو وېشل شوي ده، مسلمانه نړی او غیرمسلمانه نړی.

که سړی په دې مسلمان متقاعد ډګرجنرال باور وکړي، نو هر هغه څه کي چي د اسلامي ټولنې، امت سود وي په هغې کي د پاکستان خیر دی.د امریکې د وسلې مرسته تر هغو د مسلمانانو په خیر وه تر هغو چي افغانانو په ۱۹۸۰ کلونوکي د شوروي یرغل په مقابل کي مبارزه کوله. څومره ژر چي امریکا د ۲۰۰۱ کال نه وروسته په افغانستان کي د طالبانو وهلو ته واوښته، په کار ده چي سړی دي د هرډول شته وسیلو په مټ له امریکې او خاصتاٌ د پاکستان له اصلي دښمن هندوستان سره وجنګیږي.