للمه(کابل) له نیویارک څخه د شین هوا خبري اژانس د راپور له مخې د ملګرو ملتو د کرهڼي او خوړو اداري فائو اعلان وکړ لوږه یو پټ ناورین دی چي تلویزیونونه یې د طبیعي بلاوو یا پیښو او جنګونو په څیر نه انځوروي .
دغه موسسه وايي نوي شمیرني د دې ښودنه کوي چي په نړۍ کې تر یو ملیارډ زیات خلک د شپې مهال وېږي ویده کيږي او تر ۲۰۱۵ میلادي کال پوري نیمايي ته د وږو د کمولو لپاره د زریزي د پراختیا د هدفونو پوره کول له ستونزو سره مخامخ کوي .
ټاکل شوې ده نن په دې اړه په نیویارک کې یو نندارتون هم پرانیستل شي چي پکې به د سینما د ځینو ستورو او د فوټبال د لوبغاړو فلمونه چې له لوږې سره د مبارزي په هڅه کې برخه لري نندارې ته وړاندي کړای شي .
دغه کسان به په یوه لیک کې د نړۍ له مشرانو وغواړي چې له لوږې سره مبارزه خپله اجنډا وګرځوي . 
تبصرې (0)
ملګري ته ووایاست
چاپ
