 |
| د الوتکې د لوېدو ځای |
تاند(چهارشنبه/جولای۲۸) د پاکستان د ایربلو خصوصي هوايي شرکت یوه مسافر وړونکې الوتکه ،چې تر یونیم سل زیات کسان پکې سپاره وو،نن سهار د اسلام اباد د مارګلې پر غونډۍ ولوېده .
راپورونه وايي چې په الوتکې کې ۱۴۶ مسافر او۶ عمله سپره وه او تراوسه ترې پنځه تنه ټپیان ایستل شوي دي خو وېره ده چې نور کسان مړه شوي وي.تراوسه د دې الوتکې د لوېدو علت نه دی څرګند خو دا احتمال شته چې د هوا خرابوالی د دې الوتکې د غورځېدا سبب شوی وي.
څو میاشتې دمخه د افغانستان د یوه خصوي هوايي شرکت(پامیر ایر) یوه الوتکه ،چې له کندوزه کابل ته روانه وه، د هوا د خرابوالي له کبله د شکر درې او غوربند په غرونو کې ولوېده او څه باندې سل تنه سپرلۍ یې ووژل شوه.
په وروستیو ورځو کې په اسلام اباد او شاوخوا سیمو کې یې پر له پسې موسمي بارانونه اوري او ورېځ هم ټیټه وي.
د ایربلو هوايی شرکت الوتکه له کراچۍ څخه اسلام اباد ته روانه وه او ویل کېږي چې پېلوټ غوښتل چې په مري روډ بیړنۍ ناسته وکړي.
ایربلو هوايی شرکت په ۲۰۰۳ ع کال په کار پیل کړی او حاضردمه د پاکستان یو تر ټولو مهم خصوصي هوايي شرکت بلل کېږي.د دې شرکت د الوتکو د ټکټ بیه هم تر نورو کمه ده.
تبصرې (0)
ملګري ته ووایاست
چاپ
