سه شنبه, دسمبر 7, 2021
Home Blog

جنرال میلي: امریکا په افغانستان کې دوې لویې اډې له ځان سره ساتي

0

تاند(پنجشنبه، د قوس۱۲) د امریکا د پوځ لوی درستیز جنرال مارک میلي وايي، د امریکا دفاع وزارت له افغانستانه د پوځیانو د ایستلو پلان تایید کړی دی خو د دې پلان پر اساس به امریکا په افغانستان کې دوې سترې اډې له ځان سره وساتي.

د رویټرز خبري اژانس او امریکايی رسنۍ له راپورونو سره سم، لوی درستیز جنرال میلي چې پرون (چهارشنبه) په پروکینګز انستیتیوت کې خبرې کولې، وویل، پر دوو لویو اډو سربېره به د امریکا پوځ څو کوچنۍ اډې هم ولري.

جنرال میلي زیاته کړه، د امریکا پوځ به خپلو دوو اصلي ماموریتونو یعني له یاغیانو سره په جګړه کې د افغان امنیتي او دفاعي ځواکونو ملاتړ او دغه راز د داعش، القاعده او نورو تروریستي ډلو خلاف تروریستي ضد عملیاتو ته دوام ورکړي.

د امریکا د پوځ لوی درستیز ونه ویل چې په افغانستان کې به کومې پوځي اډې د امریکا له پوځ سره پاتې شي او دې ته یې هم اشاره ونه کړه چې امریکا به دا اډې تر کله په کنټرول کې لري.

مارک میلي وویل چې په افغانستان کې به ۲۵۰۰ پوځیان پرېږدي خو دا یې ونه ویل چې دا ۲۵۰۰ پوځیان به د افغان ځواکونو روزنې ته دوام ورکوي او که به تروریستي ضد عملیات کوي.

حاضردمه په افغانستان کې ۴۵۰۰ امریکايي پوځیان مېشت دي.

جنرال میلي د افغانستان په اړه د جو بایډن د ستراتیژۍ په باب له څه ویلو ډډه وکړه خو ویې ویل، څه چې د دې پلان له اجرا کېدو وروسته کېږي د امریکا په راتلونکي حکومت پورې تړاو لري.

ده د افغانستان د دولت او طالبانو ترمنځ د سولې په خبرو کې د وروستي پرمختګ هرکلی وکړ، ویې ویل، سره له دې چې ښايي ځینې به له طالبانو سره په خبرو خوشاله نه وي، خو د سولې خبرې مهمې دي.

د امریکا لوی درستیز تایید کړه چې په افغانستان کې د نژدې شلو کلونو په جګړه کې لسګونه زره افغانان او امریکایان وژل شوي او څه باندې یو تریلیون ډالره لګول شوي چې په نتیجه کې یې امریکا یوازې تر یوه حده بریالۍ شوې ده.

https://taand.com/main/%d8%af-%d8%a7%d9%85%d8%b1%db%8c%da%a9%d8%a7-%d9%84%d9%88%db%8c-%d8%af%d8%b1%d8%b3%d8%aa%db%8c%d8%b2%d8%8c-%d9%86%d9%87-%d8%a7%d9%81%d8%ba%d8%a7%d9%86-%d8%ad%da%a9%d9%88%d9%85%d8%aa-%d8%b7%d8%a7%d9%84/

جنرال میلي او نور امریکايي چارواکي وايي چې د ۲۰۰۱ د سپټمبر له یوولسمې وروسته امریکا د افغانستان له درکه له کومې تروریستي حملې سره مخامخ شوې نه ده.

ځینې امریکايي شناندي دا په خپله د امریکا او نور لوېدیځ لپاره یو بری بولي او وايي چې ښه ده چې تروریستان د امریکا او اروپا له خاورو لېرې بوخت وساتل شي.

د ده په وینا، د دې لپاره چې یاغیان بلوا پای ته ورسوي تر ټولو دود او سمه لار دا ده چې د واک وېش لپاره د خبرو له لارې موافقه وشي.

د غني او عبدالله د هوکړې کاپي، دوستم پکې مارشال او د دولت عالي شورا غړی دی

تاند، دوشنبه، د ثور ۲۲مه: تاند ته د حکومت یوې معتبرې سرچینې د هغې هوکړې یوه کاپي ورکړې ده چې ولسمشر غني او عبدالله پرې د سیاسي بحران د حل لپاره توافق کړی دی.

په دې هوکړه کې لومړنی شرط دا دی چې د مصالحې تر عالي شورا وړاندې به د دولت عالي شورا رامنځته کېږي او هر غړی به یې له ځانګړي پروتوکول څخه برخمن وي او ولسمشر ته به سیاسي مشورې ورکوي.

ورپسې به د عبدالله په مشرۍ د مصالحې شورا رامنځته کېږي چې پنځه مرستیالان به ولري او د عبدالله له دوه مرستیالانو پرته به ټول مرستیالان د ولسمشر لخوا معرفي کېږي.

د دې شورا دفتر به سپیدار ماڼۍ وي، د سولې پروسه به مخته وړي او ټولې مقررۍ به په کې د عبدالله په خوښه وي، خو پرېکړې به یې د ولسمشر لخوا تاییدېږي.

په دې هوکړه کې راغلي چې عبدالله به د مصالحې شورا د مشر په توګه د حکومت دویم کس وي او همدومره پروتوکول به ورکول کېږي.

دا شورا به خپلواک بودیجوي واحد وي او پیسې به یې د افغانستان دولت ورکوي، خو له نړیوالو هم مرستې اخیستلی شي.

د هوکړې له مخې به جنرال دوستم ته مارشالي ورکول کېږي او د دولت د عالي شورا غړی به هم وي.

همدا راز به د عبدالله ټیم پنځوس سلنه وزارتونه اخلي، والیان به هم د یوې قاعدې له مخې مقررېږي.

دا هغه څه دي چې د ثبات او همپالنې ډلې یې تر دې وړاندې یادونه کړې وه او اروپايي ټولنې هم ویلي وو چې غني او عبدالله یوې هوکړې ته نږدې شوي دي.

وسله والو د کابل د یو جومات په محراب کې یو ملا امام وژلی

0

قاري اکرام الحق اریايي تېره شپه د کابل ښار د اوومې ناحیې په یو جومات کې د برید ښکار شوی دی.

نوموړی د فیصل ښارګوټي د جامع جومات امام و چې تېره شپه ناپېژانده وسله والو پرې د جومات محراب کې ډزې کړې دي او په تېښته بریالي شوي دي،

د کابل امنیه قومنداني  تاند ته پېښه تاییدوي خو وايي د قاتلینو په نیولو پسې یې پلټنې روانې دي.

 بلخوا تر اوسه کومې ډلې د پېښې مسوولیت پر غاړه نه دی اخیستی، خو څه موده وړاندې تاند ته د ملي امنیت یوې سرچینې د هدفي وژنو د زیاتېدو په تړاو ویلي وو چې دا کارونه د طالبانو دي چې غواړي هغه کسان، علما او کادرونه د سولې له هوکړې څخه راوروسته په نښه کړي چې د دوی پر ضد یې څرګندونې کړې وي.

سنجې دت به نور د ورځې ۲۵ روپۍ ګټي

2

د هندۍ سېنما مشهور فلمي ستوری سنجې دت چې د هند په پونې کې د خپل بند پاته وخت تېروي، تر دې وروسته به په زندان کې کاغذي خلتې جوړوې او د ورځې به ۲۵ هندۍ روپۍ ګټي.

سنجې دت ته د ۱۹۹۳ کال د ممبۍ د تروریستي پېښو سره د تړاو له امله ۵ کاله بند ورکول شوی.

نوموړي تر دې وړاندې ۱۸ میاشتې بند تېر کړی، او اوس به درې کاله نور هم په زندان کې وي.

۵۳ کلن سنجې دت چې دا مهال د پونې په یروادا زندان کې دی، غوښتنه یې کړې، چې ده ته دې په زندان کې دروند کار وسپارل شي، چې صحت او بدن یې سالم پاته شي، خو د هغه د امنیتي خوندیتوب په خاطر دا غوښتنه رد شوې.

سنجې دت په خپل نوي فلم پولیسګیري کې د پولیس رول ترسره کړی، او نوموړي هیله ښودلې چې دا فلم به یې ۱۰۰ کروړه هندۍ روپۍ ګټي.

د نوموړي په اړه په زړه پورې دا ده چې دېرش کاله کیږي لیکل یې نه دي کړي او هېر شوي یې دي او حتی د ډېرو ساده توکو لکه د سر تېل او صابون نومونه نه شي لیکلای.

شاه رخ خان دا ځل په یو جنګي فلم کې

0

داسې ښکاري لکه د هندۍ سېنما بادشاه شاه رخ خان چې له سلمان خان او اجې دیوګن څخه الهام اخیستی وي، چې په خپل راتلونکې فلم چنای ایکسپريس کې یې ډېر خطرناک او جنګي صحنې جوړې کړي.

سلمان خان تر دې وړاندې په وانټیډ، باډیګارډ، دبنګ، ایک تا ټایګر او دبنګ ټو کې او اجې دیوګن په سنګم او همتوالا کې خطرناک سټنټس او جنګونه ترسره کړي ول.

شاه رخ خان پخوا په خپلو ځینو فلمونو لکه بازیګر، ډر، کرن ارجن، کویلا کې ښه درانه جنګونه کړي وه، خو وروسته یې توجه د مینې فلمونو ته زیاته شوه.

خو بادشاه خان بېرته خپل پخواني سټایل ته روان دی، او د روهیت شیټي په لارښوونه نوي فلم کې یې سوکان او لغتي کېدای شي د یو ښه جنګي فلمي هیرو په توګه معرفي کړي.

په دې فلم کې د هغه په وړاندې دیپیکا پډکون کار کړی.

شاه رخ په دې فلم کې ټولې جګړې او صحنې خپله ترسره کړي او دا به د لیدونکو لپاره ډېر په زړه پورې وي چې رومانټیک خان د یو جنګي خان په توګه وویني.

حکمت الله سروش

په دې ورځ حامد کرزی د لومړني منتخب ولسمشر په توګه لوړه وکړه

0

تاند- له نن څخه ۱۷ کاله پخوا د ۲۰۰۴ م کال د دسمبر په ۷ مه حامد کرزي د افغانستان د لومړني منتخب ولسمشر په توګه لوړه وکړه.

حامد کرزی د ۱۳۸۳ کال د جمهوري ریاست په لومړنیو انتخاباتو کې د هېواد د خلکو له خوا د رایو په اکثریت د ولسمشر په توګه وټاکل شو او د هماغه کال د قوس په ۱۷مه چې د ۲۰۰۴ کال د ډسمبر له ۷مې نېټې سره سمون لري، د ځانګړو مراسمو په ترڅ کې د وفادارۍ لوړه وکړه.

حامد كرزی د عبدالاحد خان كرزي زوی او د خيرمحمد خان لمسى دی چې د ۱۳۳۶ هجري لمريزكال د قوس په ۹ مه (د ۱۹۵۷ ميلادي كال د دسمبر ۲۴) د كندهار ښار ته څېرمه د كرز په كلي كې زېږېدلى دى.

د حامد كرزي نيكه د افغانستان د خپلواکۍ په جګړه او له هغه څخه وروسته هڅو او مبارزو كې لويه ونډه لرلې او د څه وخت لپاره يې د افغانستان د مشرانو جرګې د مرستيال په توګه هم دنده ترسره كړې ده.

د حامد کرزي پلار عبدالاحد خان كرزی د پوپل زیو قوم مشر و چې د مېلادي کلونو په حساب په شپېتمه لسيزه كې د افغانستان د ملي شورا د مرستيال په توګه په دنده بوخت وو.

په ۱۳۷۹ هجري لمريز كال كې چې د۲۰۰۰ ميلادي كال سره برابر دی، د حامد كرزي پلار عبدالاحدخان کرزی چې د بلوچستان په مرکز كوټې ښار كې يي استوګنه درلوده، د نامعلومو وسله والو له خوا ووژل شو چې پړه یې د طالبانو واچول شوه.

كله چې عبدالاحد خان كرزي د ولسي جرګې غړيتوب ترلاسه كړ نو له خپلې كورنۍ سره یو ځای له کندهار څخه كابل ته ولاړ او د کابل ښار د دهمزنګ په سیمه کې هستوګن شو.

زده کړې 

حامد كرزی لومړنۍ زده کړې د کابل په محمود هوتكي لومړني ښوونځي کې کړي، منځنۍ او ثانوي زده کړې یې په سيد جمال الدين افغاني ښوونځي او لېسه یې حبیبیه کې ویلې ده.

نوموړی له حبيبیې ليسې څخه تر فارغېدو وروسته په ۱۳۵۵ لمریز كال كې د لوړو زده کړو لپاره هندوستان ته ولاړ او د هغه هېواد د شیملې په پوهنتون كې يې د نړيوالو اړيكو او سياسي علومو په څانګه كې خپل تحصیلات پیل کړل.

حامد كرزي په یاده څانګه كې پر لېسانس سربېره د ماسترۍ درجه هم ترلاسه او په ۱۳۶۲ هجري لمريز كال كې چې د ۱۹۸۳ ميلادي كال سره سمون لري، له هندوستان څخه پېښور ته ستون شو، د شوروي له يرغل څخه د هېواد د ژغورنې په موخه د مجاهدينو له ليكو سره يو ځای شو او د خپل ګران هېواد د آزادۍ لپاره یې په عملي جهاد لاس پورې کړ.

البته باید وویل شي چې په همدې وخت کې افغانستان د پخواني شوروي اتحاد له بې رحمه یرغل سره مخ وو او د افغانستان ولس د خپلې آزادۍ لپاره په سخته مبارزه او جګړه لګیا وو او زموږ میلیونونه هېوادوال له خپل هېواد څخه بهرنیو هېوادونو ته په هجرت کولو مجبور شوي وو.

حامد كرزي په ۱۳۶۴هجري لمريز كال چې د ۱۹۸۵ميلادي كال سره برابر دی، د ژورناليزم په څانګه كې د يوې تعلیمي دورې لپاره فرانسې ته لاړ. د فرانسې د (ليل) په ښار كې د درې مياشتني كورس له بشپړېدو وروسته بېرته پېښور ته ستون شو او د صبعت الله مجددي په مشرۍ د ملي نجات د جبهې د تنظيم د اطلاعاتو د ادارې د آمر او بيا وروسته د دغه تنظيم د سياسي دفتر د مرستیال په توګه په دنده بوخت شو.

تاریخي پرېکړه

حامد كرزي د ۱۳۸۰ کال د لیندۍ د میاشتې په ۱۴مه یا د ۲۰۰۱ميلادي كال د ډسمبر په ۵ مه نېټه د جرمني د بن ښار د غونډې د ګډون كوونكو له لوري د لنډمهالې ادارې د رئيس په توګه وټاكل شو او د هماغه كال د دسمبر په ۲۲ مه چې د ۱۳۸۱ کال د مرغومې یا جدې لومړۍ نېټه وه د كابينې له غړو سره يو ځای د وفادارۍ لوړه وکړه.

د بون کنفرانس د ۱۳۸۰ کال د لیندۍ په ۷ نېټه د جرمني د بون ښار په پترزبرګ دولتي هوټل کې جوړ شوی و او د افغانانو تر منځ یې د سولې او پخلاینې، د مختلفو سیاسي او جنګي ډلو د یو ځای کولو، په افغانستان کې د لنډمهالې ادارې جوړېدو او دېموکراتیکو اساساتو اېښودلو ته لاره پرانیستله.

کله چې د ۱۳۸۰ کال د مرغومې په لومړۍ نېټه ښاغلی حامد کرزی واک ته ورسېد.

د اسلامي انتقالي حکومت ریاست

د ۱۳۸۱ کال د غبرګولي په ۲۳مه چې د ۲۰۰۲ ميلادي كال د جون له ۱۳مې نېټې سره برابره وه، بېړنۍ لویه جرګه دایره شوه او د همدې بيړنۍ لويې جرګې د غړو له خوا د افغانستان د اسلامي انتقالي دولت د رئيس په توګه وټاكل شو.

دویم انتخابي ولسمشر

حامد کرزي د دوهم ځل لپاره د ۱۳۸۸ کال د جمهوري ریاست په ټولټاکنو کې ځان کاندید کړ او د دوهم ځل لپاره د افغانستان د ولسمشر په توګه انتخاب شو او د هماغه کال د عقرب په ۱۹ مه نېټه یې د ګڼو کورنیو او بهرنیو لوړ پوړو چارواکو په ګډون د ځانګړو مراسمو په ترڅ کې د وفادارۍ لوړه وکړه.

 د علامه اقبال څلوریځي/ عبدالباري جهاني

0

مرا روزی ګل افسرده ای ګفت

نمود ما چو پرواز شرار است

دلم بر محنت نقش آفرین سوخت

که نقش کلک او ناپیدار است

زمولېدلی ګل مي ولید چي پر ښاخ باندي ځړیږي

ویل موږ لکه بڅرکي په شېبه مو ژوند تیریږي

موږ یې څه لره یو کښلي د زمان پر سپینه پاڼه

چي لنډي ژوند ته مي ګورم پر نقاش مي زړه خوږیږي.

به پای خود مزن رنجیر تقدیر

تهِ این ګنبد ګردان رهی هست

اګر باور نداری خیز و دریاب

که چون پا وا کنی جولان ګهی هست

پښې پخپله بندي نه کړې د تقدیر په ځنځیرونو

تر دې شنه اسمان را لاندي لوری سته د تدبیرونو

که په مادي باور نسته یو ځل پورته سه بیا ګوره

میدانونه در خالي دي پښې کړه خلاصي له بندونو

کسی کو درد پنهاني ندارد

تنی دارد ولی جانی ندارد

اګر جانی هوس داری طلب کن

تب وتابی که پایانی ندارد

څوک چي نه لري په زړه کي پټ له ځان سره دردونه

نه ژوندی پر دنیا ګرځي نه یې روح د تن په خونه

که دي تن ته روح په کار دی ځه هغه ګرداب پیدا کړه

چي څپې پکښي نڅیږي چي ناپایه یې موجونه

دلا رمز حیات از غنچه دریاب

حقیقت در مجازش بی حجاب است

ز خاک تیره می روید ولیکن

نګاهش بر شعاع آفتاب است

د حیات اسرار زړګیه په غونچه کي لیدل کیږي

حقیقت یې له مجازه بې حجابه معلومیږي

سي له تورو خاورو پورته مګر وګوره سور ګل ته

مخامخ به لمر ته ګوري له شغلو یې نه مړیږي.

عمومي اسمبلۍ غلام محمد اسحاقزی د افغانستان د دایمي استازي په توګه تایید کړ

0

تاند(دوشنبه، د قوس ۱۵مه) د ملګروملتو عمومي اسمبلۍ نن (دوشنبې) د افغانستان، وینزویلا او میانمار پخواني استازي په ملګروملتو کې د دغو هیوادونو د دایمي ستازو په توګه تایید کړل.

د عمومي اسمبلۍ له پرېکړې سره سم، په ملګروملتو کې د افغانستان د جمهوري حکومت له لوري ټاکل شوی استازی غلام محمد اسحاقزی به د افغانستان د دایمي استازي په توګه کار ته دوام ورکوي.

د عموممي اسمبلۍ په غونډه کې د افغانستان، میانمار او وینزویلا استازو وینا ونه کړه.

دا پرېکړه څو ورځې وروسته له دې وشوه چې د ملګروملتو د باورلیک ورکولو ځانګړې کمېټې په دې اړه چې په ملګروملتو کې د افغانستان چوکۍ د طالبانو د حکومت استازي او که د پخواني حکومت استازي ته ورکړي، غونډه وکړه.

طالبانو سهیل شاهین په ملګروملتو کې د خپل حکومت د استازي په توګه معرفي کړی و.

د اګست له ۱۵ طالبان پر درست افغانستان بشپړ واک لري او طالب چارواکي وايي چې د افغانستان د استازولۍ ټول شرایط یې په ځای کړي دي خو لا هم هیڅ هیواد او نړیوالې موسسې طالبان په رسمیت نه پېژني.

د طالبانو منتقدان وايي چې دوی له یوې خوا د خپل حکومت لپاره هیڅ راز کورنی مشروعیت نه دی ترلاسه کړی او له بلې خوا یې ځینې داسې اقدامات کړي چې په اوسنۍ نړۍ کې یې هیڅ هیواد په اسانه نه شی منلی.

په داسې حال کې چې افغان ښځې او نجونې له کار او زده کړو محرومې وي، د هیڅ هیواد حکومت د خپلو ښځو او نجونو له بېرې هم نه شي کولی د طالبانو حکومت په رسمیت وپېژني.

قطر ا و ترکیې د کابل د هوايي ډګر پر فعال ساتلو خبرې وکړې

0

تاند(دوشنبې، د قوس ۱۵مه) د ترکیې د بهرنیو چارو وزیر مولود چاوش اوغلو او د هغه قطري ساري شیخ محمد بن عبدالرحمان الثاني د کابل د نړیوال هوايي ډګر د فعال ساتلو او افغانستان ته د نورو مرستو پر ورکولو خبرې وکړې.

د ترکیې د ټي ار ټي ورلډ د راپور له مخې، چاوش اوغلو او الثاني په یوه ګډه خبري غونډه کې نن / دوشنبې وویل چې دوی به په ګډه د کابل هوايي ډګر د فعال ساتلو مسوولیت په غاړه واخلي.

تر دې مخکې په وروستیو ورځو کې متحده عربي اماراتو هم د کابل د نړیوال هوايي ډګر د چارو سمبالولو ته تیاري ښوولې وه او له طالبانو سره یې په دې اړه خبرې کړې وې.

د قطر د بهرنیو چارو وزیر وویل: «قطر او ترکیه په افغانستان کې له موقت حکومت سره پر له پسې کار کوي چې د هوايي ډګر د داسې پرانیستلو په اړه یوې موافقې ته ورسېږي چې په نورمال ډول فعالیت وکړای شي.»

د قطر او ترکیې د بهرنیو چارو وزیرانو په داسې حال کې له یو بل سره خبرې وکړې چې د ترکیې ولسمشر رجب طیب اردوغان دوحې ته په دوه ورځیني سفر ورسېد.

اردوغان هڅه کوي چې د خلیج د سیمې له تېل بډایو هیوادونو سره، چې پخوا یې ورسره سیالي لرله، اړیکې بېرته جوړې کړي.

تېره میاشت د متحده عربي اماراتو ولیعهد ترکیې ته لاړ چې دا له ۲۰۱۲ وروسته ترکیې ته د خلیج د سیمې د یوه هیاد د یوه مهم چارواکي لومړنی سفر و.

يرغمله فضا، بې پیلوټه الوتکې لا هم په افغانستان کې ګزمې کوي

0

تاند:( دوشنبه، د قوس پینځلسمه)‏‏ د طالبانو له واکمنیدو سره، چې له بهرني اشغاله د افغانستان د خلاصون ادعا لري، لا هم د ناڅرګندو هېوادونو بې پيلوټه الوتکې د افغانستان پر فضا الوتنې او ګزمې کوي.

د غزني، بدخشان، پکتيا، پکتيکا او يو شمېر سویلي ولایتونو ځیني اوسېدونکي وايي، په اوسني وخت کې د بې پیلوټه الوتکو ګرځېدو یې ویره او اندېښنه زیاته کړې ده.

دوی وايي، شپه ورځ وینو چې دغه الوتکې ګرځې، نه پوهیږو چې د چا دي، له کوم لوري راځي او ولي ګرځي.

معلومه نه ده، چې دغه الوتکې د چا اړوندې دي او د څه لپاره د افغانستان هوايي ګزمې کوي؟

طالبانو په دې اړه رسنيو ته څه نه دي ويلي.

ځينې نا تاييد شوي راپورونه ښيي، چې دا الوتکې ممکن د امريکا متحده ايالاتو، چین او يا پاکستان اړوندې وي.

ګومان کېږي، چې که دا الوتکې د امريکا اړوندې وي، د ترهګرۍ ضد فعاليت به کوي، خو که د چين يا پاکستان اړوند وي، ممکن د لیتیمو لټه وکړي.

د تیرې تلې میاشتې په (۷) نېټه د طالبانو بهرنيو چارو وزارت د يوې رسمي اعلامیې له خپرولو سره، له امریکا متحده ایالاتونو وغوښتل چې د افغانستان هوايي حریم ته دې د خپلو بې پېلوټه الوتکو له داخلولو ډډه وکړي.

طالبانو ویلي وو، په قطر کې د لاسلیک شوې موافقې برخلاف د امریکا د بې پېلوټه الوتکو له لوري د افغانستان هوايي حریم د دوی په ټکو ‘اشغال’ کېږي.

خو تر دې خبرې یوه اونۍ وړاندې د امریکا د دفاع وزارت ویاند جان کربي په یوه کنفرانس کې ویلي وو، د افغانستان د هوايي حریم د کارونې لپاره د طالبانو اجازې ته اړتیا نه لري.

له شاوخوا شلو کالو څخه امریکا متحده ایالتونو د جګړې په لویو سیمو لکه سوریه، عراق او افغانستان کې بې پیلوټه الوتکې کارولې دي، خو په دې وروستیو کلونو کې د جګړییزو سیمو ترڅنګ د امریکا له بې پیلوټه الوتکو په پاکستان، شمالي افریقا، لیبیا، یمن او سومالیا کې هم کار اخیستی.

امريکايي چارواکو د افغانستان په اړه ښکاره ويلي، چې د هوا له لارې يې څاري او د ترهګریزو فعالیتونو مخه پکې نيسي.

له مېرمن لاینز څخه د ط هيله، د ښوونکو معاشونو کې مرسته وکړئ

0

تاند:( دوشنبه، د قوس پینځلسمه)‏‏ د طالبانو اسلامي امارت د بهرنیو چارو وزارت سیاسي مرستیال شېر محمد عباس ستانکزي نن د یوناما له مشرۍ ډېبورا لاینز سره وکتل.

د طالبانو د خبرپاڼې له مخې؛ په دې کتنه د یوناما مشرې د امنیت په تړاو ډاډ څرکند کړ او زیاته یې کړه چې ټول دفترونه یې خلاص کړي او بهرني او داخلي همکاران یې پر کار بوخت کړي.

هغې وویل چې غواړي خپل فعالیت نور هم پراخ کړي او هڅه کوي چې د افغانستان کنګل شوې پیسې آزادې شي او په افغانستان کې نړېوال خپل سفارتونه بېرته پرانیزي.

په همدې حال کې د بهرنیو چارو سیاسي مرستیال شېر محمد عباس ستانکزي هغې ته د ښوونیز بهیر په اړه ډاډ ورکړ او غوښتنه یې ترې وکړه چې د ښوونکو د معاش د اجرا په تړاو همکاري وکړي.

طالبانو د تېرې مياشتې په وروستيو کې، ټولو دولتي کارکوونکو ته د درېيو مياشتو د معاشونو د ورکړې اعلان وکړ، خو دوه اونۍ مخکې یې د دوه مياشتې معاشونو د ورکړې اعلان وکړ.

ويل کيږي، چې تر اوسه هم د دوی دا ژمنې نه دي عملي شوي.

طالبانو اوسه پورې د حکومتي عوايدو او لګښتونو په اړه ملت ته معلومات او حساب نه دي وړاندې کړي.

۲۴ ميليونه فقر ځپلي، څه باندې ۳ زرو سره يې مرسته وشوه

1

تاند:( دوشنبه، د قوس پینځلسمه)‏‏ په داسې حال کې چې ملګري ملتونه د افغانستان د شاوخوا ۲۴ ميليونه خلکو د سخت فقر خبر ورکوي، طالبانو نن د افغانستان په مختلفو برخو کې له شاوخوا ۳ زره کورنيو سره د مرستندويه ادارو د بشري مرستو خبر ورکوي.

د طالبانو په يوه اعلاميه کې راغلي، چې نن ‏د خوست په اسمعیل خېلو او مندوزیو ولسوالیو کې پر ۱۰۰۰ اړمنو کورنیو خوراکي توکي وېشل کېږي چې د وېش لړۍ یې نن پيل شوې ده.

دوی د دې مرستو د څرنګوالي او ترسره کوونکو په اړه څه نه دي ويلي.

په يوه بل خبر کې راغلي، چې په جوزجان کې د ملګرو ملتونو د کډوالو د عالي کميشنرۍ او ‌کډوالو چارو رياست په همکارۍ څه باندې ۷ سوو کورنيو ته د خوراکي توکيو مرسته وېشل شوې ده.

‏د‌ همدې ادارې له خوا په میدان وردګو ولایت کې له څه کم شپږو سوو کورنيو سره د نقدي مرستو د ترسره کيدو خبر هم ورکړل شوی دی.

طالبانو په کندوز کې د نړیوال خوراکي پروګرام او کډوالو عالي کميشنرۍ له لوري له څه باندې اوه نیم سوه کورنيو سره هم د نقدي مرستو خبر ورکړی دی.

د‌ طالبانو  له واکمنیدو سره په افغانستان کې ژور اقتصادي او بشري ناورين رامنځته شوی او تر ۲۴ میلیونه پورې افغانان ډوډۍ نه لري.

د طالبانو رييس الوزرا مولوي محمد حسن اخوند څو اونۍ مخکې له ملي ټلويزيون څخه په خپله خپره کړې لومړۍ غږيږه وينا کې ملت ته ويلي، چې دوی ورسره د ډوډۍ او رزق ژمنه نه وه کړې.

حسن اخوند له ملت څخه وغوښتل، چې د ده په ټکيو ( خدای ته په بغارو شي) څو ډوډۍ ورته مساعده کړي.

کاپیسا کې نښتې، ۳ ط او ۲ نور وسله وال وژل شوي

0

تاند:( دوشنبه، د قوس پینځلسمه)‏‏ ‏د کابل له ګاونډي ولايت کاپیسا څخه راپورونه وايي، چې د يو لړ نښتو له کبله ۳ تنه وژل شوي او ۲ نور ټپيان شوي.

 عيني شاهدانو ويلي، چې دا نښته تېره شپه د کاپیسا د مرکز اړوند په ريګ روان سیمه کې شوې ده.

د سرچينو په حواله، ياده نښته د ناڅرګندو وسله والو او طالبانو ترمنځ شوې، چې په ترڅ کې يې يو وسله وال طالب وژل شوی او دوه ناڅرګند وسله وال وژل شوي دي.

په کاپيسا کې د طالبانو وياند کريم الله وثیق بيا په دې نښته کې د دوو ملکیانو د ټپي کیدو خبر هم ورکړی.

وثیق د نښتې مقابل لوری وسله وال غله ګڼلي، خو ځينو ځايي خلکو دغه وسله وال د طالبانو مخالفین ياد کړي او ويلي، چې هغوی پر طالبانو برید کړی و.

په ياده سيمه کې دوه اونۍ مخکې، د یوې دیني مدرسې دوه استادان د ناڅرګندو وسله والو په برید کې وژل شوي وو.

کاپیسا له هغو ولايتونو څخه دی، چې ویل کیږي د طالبانو مخالفه ډله ( مقاومت جبهه) پکې فعاليت او نفوذ لري.

طالبان بيا دا ادعاوې ردوي او وايي په هيڅ ولايت کې يې وسله وال مخالفین ثابت مرکزونه نه لري.

چين له افغانستان سره د کرونا د واکسين او خوراکي توکيو تازه مرسته اعلان کړه

0

تاند:( دوشنبه، د قوس پینځلسمه)‏‏ ‏چينایي چارواکو نن له افغانستان سره د کرونا ويروس او فقر په وړاندې مبارزه کې تازه مرسته اعلان کړه.

په افغانستان کې د چین سفیر وانګ یو وايي چې هېواد یې د ۴.۷ میلیونو ډالرو په ارزښت بشري مرستې افغانستان ته لېږدوي.

هغه د دې مرستو په اړه نور جزییات نه دي ورکړي.

 بل لور ته: په چين کې د افغانستان سفير جاويد قایم ويلي، چې چينايي چارواکو نن د کرونا ويروس یو میلیون دوزه واکسينو مرسته ورسپارلې ده.

هغه ويلي، چې دا مرسته يې افغانستان ته واستوله، خو نور جزییات یې په اړه نه دي ورکړي.

افغانستان په وروستيو کې د فقر د شدت تر څنګ د کرونا ويروس له پراختيا هم ځوريږي.

د ملګرو ملتونو د ارقامو په اساس، په افغانستان کې تر ۲۴ ميليونه پورې خلک سخت وږي دي او تر ۳ ميليونه پورې ماشومانو سمدستي د سختې خوارځواکۍ له کبله د مرګ ګواښ سره مخامخ دي.

له دې سره، پر چين او د طالبانو په ګڼو نورو ملاتړو هېوادونو نیوکه ده، چې د طالبانو د ملاتړ د تمثیل باوجود په هغه ډول د افغانستان له فقر ځپلو خلکو سره مرسته نه کوي، چې تمه يې کيږي.

یاد/ اجمل پسرلی

0

د زرغونه بوټي او شنه سمندر د عکس له لیدو سره یې د موبایل پر شیشه غبرګې ګوتې سره خلاصې کړې چې تصویر لوی شي. دا عکس یې مسینجر ته ولیږه، دستي یې د کمپیوټر شیشې ته انتخاب کړ.

د دغې سیمې یو عکس یې درې کاله مخکې په فیسبوک کې لیدلی و. دا د اعلان عکس و چې ترې لاندې یې لیکلي و، ارزانه سفر.

 سږکال اوړی یې سپمولې پیسې په ټکټ ورکړې. تر سفر مخکې یې له ځان سره ویل چې د سمندر پر دې غاړه به له دغه شنه ټیټ بوټي سره پر شګو پښې غځوي، سترګې به پټوي د اوبو د څپو غږ به اوري، د مرغانو نغمو ته به غوږ نیسي.

بیا چې کله دغه ځای ته ورغی د همدې بوټي ترڅنګ کښیناست خو هلته یې داسې احساس کړی و چې شاوخوا خلک تیریږي دی ورښکاریږي نو د سمندر په ژۍ ژۍ لوړې ته ختلی و له پورته یې د څپو عکس اخیستی و چې وریځې هم په اوبو کې ښکاریدې:

« که مې هاغه عکس پیدا کړ»

د موبایل عکسونه یې ژر ژر تیر کړل، پوزه یې سونګۍ کړه:

« اوبه چې تکي شنې نه وي خوند نه کوي دا خو سپین ځک دی دا وریځې کله هغسې ښکارې»

« کاشکي مې دلته ډير عکسونه اخیستي وای»

د کمپوټر سکرین ته ځیر شو:

« په هغه ورځ څرنګه د خلکو لپاره له دې ځایه ولاړې پورته وختې؟….ښه ده چې بیا مازدیګر ورغلم…شمال سوړ لګیده؟….»

« رخصتي خو دې وه ولې دې ټکټ نه غځاوه؟!»

کړکۍ ته ودرید. د سګریټ لوګی یې ورو ورو له شونډو بهر ته پوف کړ. لوګي یې همهغه د سمندر خړې وریځې سترګو ته ودرولې. خو شاوخوا یې پرتو سپینو واورو فکر په بله کړ، له دریم منزله یې لاندې په کوڅه کې چکړو ته پام شو. سګریټ یې لا نه و تمام چې ښکته یې واچاوه. کړکۍ یې بنده کړه د لپ ټاپ سر یې پورته کړ. په هاغه ټیټ بوټي یې ګوتې ورو ورو تیرې کړې لکه ناز چې ورکوي. سر یې پر کوچ ولګاوه… د مرغه کغ کغ یې تر غوږو شو… سترګې یې پرانیستې. د کمپیوټر رڼا مړه شوې وه. انټر یې کیکاږه، د سکرین رڼا ته یې خوبولې سترګې وبریښیدې سکرین یې بند کړ، کمپلې ته یې لاس وروغځاوه:

« کاشکي ژر نه وای ترې راغلی»

پراګ