یکشنبه, جنوري 23, 2022
Home Blog

جنرال میلي: امریکا په افغانستان کې دوې لویې اډې له ځان سره ساتي

0

تاند(پنجشنبه، د قوس۱۲) د امریکا د پوځ لوی درستیز جنرال مارک میلي وايي، د امریکا دفاع وزارت له افغانستانه د پوځیانو د ایستلو پلان تایید کړی دی خو د دې پلان پر اساس به امریکا په افغانستان کې دوې سترې اډې له ځان سره وساتي.

د رویټرز خبري اژانس او امریکايی رسنۍ له راپورونو سره سم، لوی درستیز جنرال میلي چې پرون (چهارشنبه) په پروکینګز انستیتیوت کې خبرې کولې، وویل، پر دوو لویو اډو سربېره به د امریکا پوځ څو کوچنۍ اډې هم ولري.

جنرال میلي زیاته کړه، د امریکا پوځ به خپلو دوو اصلي ماموریتونو یعني له یاغیانو سره په جګړه کې د افغان امنیتي او دفاعي ځواکونو ملاتړ او دغه راز د داعش، القاعده او نورو تروریستي ډلو خلاف تروریستي ضد عملیاتو ته دوام ورکړي.

د امریکا د پوځ لوی درستیز ونه ویل چې په افغانستان کې به کومې پوځي اډې د امریکا له پوځ سره پاتې شي او دې ته یې هم اشاره ونه کړه چې امریکا به دا اډې تر کله په کنټرول کې لري.

مارک میلي وویل چې په افغانستان کې به ۲۵۰۰ پوځیان پرېږدي خو دا یې ونه ویل چې دا ۲۵۰۰ پوځیان به د افغان ځواکونو روزنې ته دوام ورکوي او که به تروریستي ضد عملیات کوي.

حاضردمه په افغانستان کې ۴۵۰۰ امریکايي پوځیان مېشت دي.

جنرال میلي د افغانستان په اړه د جو بایډن د ستراتیژۍ په باب له څه ویلو ډډه وکړه خو ویې ویل، څه چې د دې پلان له اجرا کېدو وروسته کېږي د امریکا په راتلونکي حکومت پورې تړاو لري.

ده د افغانستان د دولت او طالبانو ترمنځ د سولې په خبرو کې د وروستي پرمختګ هرکلی وکړ، ویې ویل، سره له دې چې ښايي ځینې به له طالبانو سره په خبرو خوشاله نه وي، خو د سولې خبرې مهمې دي.

د امریکا لوی درستیز تایید کړه چې په افغانستان کې د نژدې شلو کلونو په جګړه کې لسګونه زره افغانان او امریکایان وژل شوي او څه باندې یو تریلیون ډالره لګول شوي چې په نتیجه کې یې امریکا یوازې تر یوه حده بریالۍ شوې ده.

https://taand.com/main/%d8%af-%d8%a7%d9%85%d8%b1%db%8c%da%a9%d8%a7-%d9%84%d9%88%db%8c-%d8%af%d8%b1%d8%b3%d8%aa%db%8c%d8%b2%d8%8c-%d9%86%d9%87-%d8%a7%d9%81%d8%ba%d8%a7%d9%86-%d8%ad%da%a9%d9%88%d9%85%d8%aa-%d8%b7%d8%a7%d9%84/

جنرال میلي او نور امریکايي چارواکي وايي چې د ۲۰۰۱ د سپټمبر له یوولسمې وروسته امریکا د افغانستان له درکه له کومې تروریستي حملې سره مخامخ شوې نه ده.

ځینې امریکايي شناندي دا په خپله د امریکا او نور لوېدیځ لپاره یو بری بولي او وايي چې ښه ده چې تروریستان د امریکا او اروپا له خاورو لېرې بوخت وساتل شي.

د ده په وینا، د دې لپاره چې یاغیان بلوا پای ته ورسوي تر ټولو دود او سمه لار دا ده چې د واک وېش لپاره د خبرو له لارې موافقه وشي.

د غني او عبدالله د هوکړې کاپي، دوستم پکې مارشال او د دولت عالي شورا غړی دی

تاند، دوشنبه، د ثور ۲۲مه: تاند ته د حکومت یوې معتبرې سرچینې د هغې هوکړې یوه کاپي ورکړې ده چې ولسمشر غني او عبدالله پرې د سیاسي بحران د حل لپاره توافق کړی دی.

په دې هوکړه کې لومړنی شرط دا دی چې د مصالحې تر عالي شورا وړاندې به د دولت عالي شورا رامنځته کېږي او هر غړی به یې له ځانګړي پروتوکول څخه برخمن وي او ولسمشر ته به سیاسي مشورې ورکوي.

ورپسې به د عبدالله په مشرۍ د مصالحې شورا رامنځته کېږي چې پنځه مرستیالان به ولري او د عبدالله له دوه مرستیالانو پرته به ټول مرستیالان د ولسمشر لخوا معرفي کېږي.

د دې شورا دفتر به سپیدار ماڼۍ وي، د سولې پروسه به مخته وړي او ټولې مقررۍ به په کې د عبدالله په خوښه وي، خو پرېکړې به یې د ولسمشر لخوا تاییدېږي.

په دې هوکړه کې راغلي چې عبدالله به د مصالحې شورا د مشر په توګه د حکومت دویم کس وي او همدومره پروتوکول به ورکول کېږي.

دا شورا به خپلواک بودیجوي واحد وي او پیسې به یې د افغانستان دولت ورکوي، خو له نړیوالو هم مرستې اخیستلی شي.

د هوکړې له مخې به جنرال دوستم ته مارشالي ورکول کېږي او د دولت د عالي شورا غړی به هم وي.

همدا راز به د عبدالله ټیم پنځوس سلنه وزارتونه اخلي، والیان به هم د یوې قاعدې له مخې مقررېږي.

دا هغه څه دي چې د ثبات او همپالنې ډلې یې تر دې وړاندې یادونه کړې وه او اروپايي ټولنې هم ویلي وو چې غني او عبدالله یوې هوکړې ته نږدې شوي دي.

وسله والو د کابل د یو جومات په محراب کې یو ملا امام وژلی

0

قاري اکرام الحق اریايي تېره شپه د کابل ښار د اوومې ناحیې په یو جومات کې د برید ښکار شوی دی.

نوموړی د فیصل ښارګوټي د جامع جومات امام و چې تېره شپه ناپېژانده وسله والو پرې د جومات محراب کې ډزې کړې دي او په تېښته بریالي شوي دي،

د کابل امنیه قومنداني  تاند ته پېښه تاییدوي خو وايي د قاتلینو په نیولو پسې یې پلټنې روانې دي.

 بلخوا تر اوسه کومې ډلې د پېښې مسوولیت پر غاړه نه دی اخیستی، خو څه موده وړاندې تاند ته د ملي امنیت یوې سرچینې د هدفي وژنو د زیاتېدو په تړاو ویلي وو چې دا کارونه د طالبانو دي چې غواړي هغه کسان، علما او کادرونه د سولې له هوکړې څخه راوروسته په نښه کړي چې د دوی پر ضد یې څرګندونې کړې وي.

سنجې دت به نور د ورځې ۲۵ روپۍ ګټي

2

د هندۍ سېنما مشهور فلمي ستوری سنجې دت چې د هند په پونې کې د خپل بند پاته وخت تېروي، تر دې وروسته به په زندان کې کاغذي خلتې جوړوې او د ورځې به ۲۵ هندۍ روپۍ ګټي.

سنجې دت ته د ۱۹۹۳ کال د ممبۍ د تروریستي پېښو سره د تړاو له امله ۵ کاله بند ورکول شوی.

نوموړي تر دې وړاندې ۱۸ میاشتې بند تېر کړی، او اوس به درې کاله نور هم په زندان کې وي.

۵۳ کلن سنجې دت چې دا مهال د پونې په یروادا زندان کې دی، غوښتنه یې کړې، چې ده ته دې په زندان کې دروند کار وسپارل شي، چې صحت او بدن یې سالم پاته شي، خو د هغه د امنیتي خوندیتوب په خاطر دا غوښتنه رد شوې.

سنجې دت په خپل نوي فلم پولیسګیري کې د پولیس رول ترسره کړی، او نوموړي هیله ښودلې چې دا فلم به یې ۱۰۰ کروړه هندۍ روپۍ ګټي.

د نوموړي په اړه په زړه پورې دا ده چې دېرش کاله کیږي لیکل یې نه دي کړي او هېر شوي یې دي او حتی د ډېرو ساده توکو لکه د سر تېل او صابون نومونه نه شي لیکلای.

شاه رخ خان دا ځل په یو جنګي فلم کې

0

داسې ښکاري لکه د هندۍ سېنما بادشاه شاه رخ خان چې له سلمان خان او اجې دیوګن څخه الهام اخیستی وي، چې په خپل راتلونکې فلم چنای ایکسپريس کې یې ډېر خطرناک او جنګي صحنې جوړې کړي.

سلمان خان تر دې وړاندې په وانټیډ، باډیګارډ، دبنګ، ایک تا ټایګر او دبنګ ټو کې او اجې دیوګن په سنګم او همتوالا کې خطرناک سټنټس او جنګونه ترسره کړي ول.

شاه رخ خان پخوا په خپلو ځینو فلمونو لکه بازیګر، ډر، کرن ارجن، کویلا کې ښه درانه جنګونه کړي وه، خو وروسته یې توجه د مینې فلمونو ته زیاته شوه.

خو بادشاه خان بېرته خپل پخواني سټایل ته روان دی، او د روهیت شیټي په لارښوونه نوي فلم کې یې سوکان او لغتي کېدای شي د یو ښه جنګي فلمي هیرو په توګه معرفي کړي.

په دې فلم کې د هغه په وړاندې دیپیکا پډکون کار کړی.

شاه رخ په دې فلم کې ټولې جګړې او صحنې خپله ترسره کړي او دا به د لیدونکو لپاره ډېر په زړه پورې وي چې رومانټیک خان د یو جنګي خان په توګه وویني.

حکمت الله سروش

افغان ۱۹ لوبډلې زیمبابوې ته سخته ماتې ورکړه

0

تاند- د افغانستان د کرکټ تر نولس کلونو  کشرې لوبډلې د نړیوال چام سیالیو په لړ کې تېره شپه د زیمبابوې تر نولس کلونو کشرې لوبډلې ته په ۱۰۹ منډو ماتې ورکړه.

د سیالۍ پچه افغان لوبډلې ګټلې وه او لومړی یې بیټنګ وکړ.

د افغانستان د کرکټ تر نولس کلونو کشرې لوبډلې د سلیمان ساپي د سلیزې (۱۱۱ منډو) او د ننګیالي خروټي د پنځوسزې په مرسته سیالې لوبډلې ته لوړ هدف یعني د ۶ لوبغاړو د سوځېدو په بدل کې ۲۶۲ منډې وټاکلې.

د زیمبابوې لوبډلې په پیل کې ښه بیټنګ وکړ خو د ننګیالي خروټي غوره باولینګ د دغه ټیم ملا ماته کړه. ننګیالي خروټي نه یوازې د زیمبابوې ۴ لوبغاړي وسوځول، بلکې یو یې رن اوټ کړ او دوه ښکلي کیچونه یې واخیستل.

دا په روان نړیوال جام کې د افغانستان درېیمه سیالي وه. افغانستان دوې مسابقې ګټلي او یوه بایللې ده.

د امریکا په کابینه کې لومړنۍ ښځه وزیره

0

تاند- له نن څخه ۲۵ کاله پخوا د ۱۹۹۷ کال د جنورۍ په ۲۳ مه ماډلین البرایټ د امریکا د بهرنیو چارو وزیره وټاکل شوه. دا چکي الاصله مخکې تر دې چې د ولسمشر بیل کلنټن له لوري د بهرنیو چارو وزیره ونومول شي، د ۱۹۹۳ او ۱۹۹۷ ترمنځ په ملګروملتو کې د امریکا دایمي استازې وه.

اغلې البرایټ د ۱۹۳۷ د مې په ۱۵ مه د چک جمهوریت په پراګ ښار کې زېږېدلې ده خو د امریکا په تاریخ کې لومړنۍ ښځه ده چې د کابینې چوکۍ ترلاسه کوي. دا تر ۲۰۰۱ پورې د متحدو ایالتونو د بهرنیو چارو وزیره وه.

البرالیټ وروسته له دې چې په ۱۹۳۹ کې د جرمني نازي ځواکونو د هماغه مهال چکسلواکیا ونیوله، له خپلې کورنۍ سره انګلیستان ته پناه یووړه. دې تر ډېره فکر کاوه چې په سیاسي دلایلو له خپل هیواده تښتېدلې خو په ۱۹۹۷ کې پوی شوه چې د دې کورنۍ اصلاً یهوده وه او درې نیکه ګان یې د جرمنیانو په جبري کمپونو کې مړه شوي دي.

البرایټ تر ډېرو فکر کاوه چې عیسوۍ ده.

د دې کورنۍ له دوهمې نړیوالې جګړې وروسته چکسلواکیا ته (هغه مهال چک او سلواکیا یو هیواد و) بېرته ستانه شول خو په چکسلواکیا کې د شوروي اتحاد په ملاتړ کودتا دوی مجبوره کړل چې بیا مهاجرت وکړي. دوی په ۱۹۴۸ کې امریکا ته لاړل.

البرایټ له ماساچوسیټ پوهنتون څخه د لیسانس تر اخیستو وروسته په ۱۹۶۸ کې د نیویارک په کولمبیا پوهنتون کې ماسټري وکړه. تر ۱۹۷۶ پورې یې له کولمبیا پوهنتونه ماسټري واخیسته.

دې د ۲۰۱۷ په جنورۍ کې له مسلمانانو سره د امریکا د هماغه مهال د ولسمشر ډونالډ ټرمپ د تبعیضي چلنډ په غبرګون کې وویل « که ولسمشر ډونلډ ټرمپ د امریکا مسلمانان یوازې ثبتوي، نو د اعتراض په دود به ځان د مسلمانې په توګه راجیسټر کړي.»

دې پر خپله ټویټرپاڼه همداراز ولیکل«زه د یووالي څرګندولو لپاره د مسلمانې په توګه ځان ثبتولو ته تیاره یم»

نوموړې چې پر ډونلډ ټرمپ سختې نیوکې کولې دا هم لیکلي و: «که موږ هغه خلک ثبتوو، چې ځان ته یې خطر بولو، نو سپین پوستي سړي هم باید ثبت شي، ځکه ډېر خطرناک وژونکي او په لویه کچه ډلوژونکي هم سپین پوستي سړي دي.»

د افغانستان بې برقي، ازبکستان خپله بریښنا ۵۰ سلنه کمه کړه

1

تاند:( شنبه، د دلوې دويمه) ‏‏ په افغانستان کې د بې برقۍ له ستونزې شکایتونو سره هم مهاله، د بریښنا شرکت چارواکو ويلي چې ازبکستان دغه هېواد ته خپله صادراتي بریښنا ۵۰ سلنه کمه کړې ده.

د پروان ولايت د بریښنا شرکت مشر محمد عارف احمدي دا موضوع رسنيو ته تايید کړې ده.

سرچینې د بریښنا کمیدو دلیل تخنيکي ستونزې ګڼلي او په نيږدې ورځو کې یې د حل وړاندوینه کړې ده.

ازبکستان په دې اړه څه نه دي ويلي.

څه موده مخکې، د طالبانو د دفاع وزیر ملا یعقوب مجاهد د هغه خبرداري په غبرګون کې ازبکستان، پر افغانستان خپله صادراتي بریښنا ۶۰ سلنه کمه کړې وه، چې ازبکستان او تاجيکستان ته یې د افغان هليکوپترو د نه سپارلو په اړه ورکړی و.

د بریښنا شرکت سرچينو دا هم ويلي، چې د طالبانو له واکمنیدو سره افغانستان له ګاونډيو هېوادونو څخه د بریښنا له کبله څو ميليارده ډالره پوروړی شوی دی.

مجاهد: يو امريکايي وګړی مې اسلام ته را وباله

5

تاند:( شنبه، د دلوې دويمه) ‏‏د طالبانو د حکومت وياند او د اطلاعاتو او فرهنګ وزارت نشراتي مرستيال ذبيح الله مجاهد ويلي، چې کرسټوفر په نوم یو امریکایي تبعه د ده په بلنه او هڅو نن مسلمان شوی دی.

ويل شوي ،چې نوموړي له تېرو ۴۰ کلونو راهیسې یې په افغانستان کې فعالیت کاوه.

 د باختر اژانس د خبر له مخې، دغه امريکايي وګړي د ذبیح الله مجاهد په هڅو نن اسلام قبول کړ او د محمد عیسی نوم ورته غوره شو.

یاد شوي خبري اژانس د نوموړي او ذبیح الله مجاهد ګډ عکس هم خپور کړی دی.

د محمد عيسی په نوي نوم دغه امريکايي وګړي په دې اړه څه نه دي ويلي.

هرات کې چاودنه او کابل کې د بلوڅانو یو مشر وژل شوی

0

تاند:( شنبه، د دلوې دويمه) ‏د افغانستان په دوو تازه امنیتي راپورونو کې له هرات څخه د یوې چاودنې او کابل څخه د بلوڅانو د يوه مشر د وژل کيدو خبر ورکړل شوی.

ځايي سرچینو ویلي، چې د هرات ښار په حاجي عباس سیمه کې نن ماښام پر یوه ټونس موټر چاودنه شوې، چې ۶ تنه یې وژلي او ۱۰ نور یې ټپيان کړي دي.

د هرات د حوزوي روغتون ډاکټرانو هم دغه مرګ ژوبله تاييد کړې ده.

د پېښې نور جزییات او د متضررینو هویت تر اوسه نه دی په ډاګه شوی.

بل لور ته په کابل کې د بلوڅانو د یوه مشر او سياسي فعال انجنیر عبدالرازق د وژل کيدو خبر ورکړل شوی.

د بلوڅانو د شورا ویاند ويلي، چې هغه د ناپېژاندو کسانو له خوا له کوره اېستل شوی او وژل شوی دی.

د‌ دواړو پېښو مسووليت چا پر غاړه نه دی اخیستی او طالب چارواکو يې په اړه څه نه دي ويلي.

په لومړي ځل د افغان ځواکونو د وژل کيدو د وروستيو پېښو خلاف پراخه ولسي غونډه شوې

2

تاند:( شنبه، د دلوې دويمه) ‏د ننګرهار په ښېوې ولسوالۍ کې په لومړي ځل سلګونو کسانو د جمهوري نظام د یوه امنیتي سرتیري د وژلو خلاف غونډه کړې ده.

دغه سرتېری عبدالحمید نومیده، چې د خپلو دوو سرتېرو وروڼو په ملتيا طالبانو نیولی او سخت شکنجه کړي وو.

د سیمې اوسیدونکي وايي، چې د دغو درېیو تنو له ډلې د عبدالمجید په نوم مخکینی امنيتي سرتېری د طالبانو د شکنجې له کبله وژل شوی دی.

په ننګرهار کې د طالبانو امنیه قومندان شیخ ندا محمد نديم هم دا پېښه تایید کړې او ويلي، چې په ښېوه کې یې د خپل امنيه قومندان په ګډون ۸ طالب چارواکي او امنیتي منسوبین د دغه مخکيني سرتېري د شکنجې او وژلو په تور بنديان کړي.

شیخ ندا محمد نن ښېوې ولسوالۍ ته د خلکو د اعتراضیه غونډه کې هم ګډون کړی او ترې غوښتي، چې خپل اعتراضیه حرکتونو ته دوام ورنه کړي.

طالب قومندان د وژل شوي مخکيني سرتېري کورنۍ ته د خواخوږۍ لپاره هم ورغلی او خلکو ته يې د نوموړي د قاتلانو په اړه د « شرعي حکم» د تطبيق ډاډ ورکړی.

د افغانستان د جمهوري نظام د ځانګړو ځواکونو قومندان جنرال فرید احمدي نن په یوه مرکه کې طالبان تر تورن کړل، چې د ۵۰ ځانګړو ځواکونو په ګډون یې تر زرو پورې افغان امنيتي او دفاعي ځواکونه وژلي دي.

طالبان بيا په دې اړه ادعاوې بې بنسټه ګڼي، خو د يادونې وړ ده، چې په دې اړه يو ګڼ شمېر مستندې ویډیوګانې خپرې شوي.

دا لومړی ځل دی، چې ولسي خلک پر اعتراضیه حرکتونو د طالبانو د ځپونکو قیوداتو باوجود په ننګرهار کې د طالبانو له لوري د افغان ځواکونو د وژلو خلاف پراخه غونډه کوي.

امیرخان متقي ناروې ته د خپل سفر جزييات رسنيز کړل

0

تاند:( شنبه، د دلوې دويمه) د طالبانو د بهرنيو چارو وزير مولوي امیر خان متقي په يوه غږيز پيغام کې ناروې ته د خپل ننني درې ورځیني سفر په اړه جزييات وړاندې کړي.

ښاغلي متقي دا اروپا ته د طالبانو د حکومت د لوړپوړي پلاوي لومړنی او مهم سفر ګڼلی او ويلي، چې د ناروې په« بلنه او فوق العاده الوتکه» کې د دغه سفر په ترڅ کې به د یاد شوي هېواد تر څنګ د اروپايي ټولنې او امریکايي چارواکو تر څنګ له یو شمېر افغانانو سره هم وویني.

د طالبانو د بهرنيو چارو وزير هیله ښودلې، چې د داسې سفرونو او تعاملاتو لړۍ به یې دوام پیدا کړي.

نوموړي د خپل حکومت بهرنی سیاست مثبت او بریالی ګڼلی او د لاسته راوړنو د ادعا تر څنګ یې ټینګار کړی، چې دوی د تقابل پر ځای افغانستان د اقتصادي همکاريو او اتصال په مرکز بدلول غواړي.

ويل کيږي، چې په دې سفر کې به د طالبانو د بهرنيو چارو وزير او ورسره ملګری ۱۵ کسيز پلاوی به د افغانستان له یو شمېر مدني او ښځينه فعالانو سره هم وویني.

سید اسحق ګیلاني، محبوبه سراج، عبدالکریم خرم او یو شمېر نور کسان هم له افغانستان څخه ناروې ته د یو شمېر قشرونو د استازو په توګه بلل شوي.

ملي بيرغ ممکن بیرته برحال او ط خپل بیرغ د دفاع وزارت په بیرغ بدل کړي

5

تاند:( شنبه، د دلوې دويمه) د طالبانو د حکومت یو شمېر سرچینې وايي، چې د افغانستان درې رنګه ملي بیرغ ممکن بیرته برحاله او د طالبانو بیرغ د دفاع وزارت د بیرغ په توګه اعلان شي.

د طالبانو د حکومت وياند ذبيح الله مجاهد نن په یوه مرکه کې د ملي بیرغ د بیرته برحاله کیدو احتمال تایید کړی.

په دې اړه د ښاغلي مجاهد د څرګندونو ډېر جزییات تر اوسه نه دي رسنيز شوي.

په ورته وخت کې د طالبانو د حکومت یوې سرچينې، چې نه یې غوښتل نوم یې خپور شي تاند وېبپاڼې ته وويل، چې د طالبانو سپین بیرغ په ډېر احتمال د دوی د دفاع وزارت د بیرغ په توګه اعلان شي.

سرچينې دا هم وويل، چې د طالبانو د ملا برادر ډله له لومړي سره د ملي بیرغ د ښکته کیدو لېواله نه وه.

ويل شوي، چې د جمهوري نظام له سقوط او کابل ته د حقاني شبکې له ننوتو سره دغې شبکې له مشورې پرته د افغانستان ملي بيرغ له ارګ ماڼۍ او نورو سیمو څخه ښکته کړی، چې ټول طالب مشران ورسره موافق نه وو.

طالبانو په رسمي ډول د دغې سرچينې څرګندونې نه دي تاييد کړي.

د ملي بیرغ په اړه د ذبيح الله مجاهد له نننيو څرګندونو څخه ډېرو افغانانو هرکلی کړی دی.

فارياب کې د ط د احصايې رئیس او ۴ تنه نور په ترافيکي پېښه کې مړه شوي

0

تاند:( شنبه، د دلوې دويمه) په فاریاب کې د طالبانو ځايي چارواکو د یوې ترافيکي پېښې له امله د طالبانو د احصایې رییس په ګډون د ۵ تنو د مړينې او ۹ تنو نورو د ټپي کیدو خبر ورکړی.

ځايي چارواکو ویلي، چې دغه پېښه د فاریاب د دولت آباد ولسوالۍ په جنګل سیمه کې رامنځته شوې ده.

د يادې پېښې په اړه نور جزییات نه دي ورکړل شوي.

څه موده مخکې په لغمان کې د طالبانو د استخباراتو رييس هم په يوه ترافيکي پيښه کې مړ شوی و.

له فارياب څخه په وروستيو کې د طالبانو د خپلمنځیو اختلافونو خبرونه هم زیات شوي.

د‌ دغو اختلافاتو اصلي دلیل د واک پر سر ناندرۍ او قومي ناندرۍ ګڼل شوي.

د سالنګ لاره تړل شوې او د کابل- جلال اباد لاره بیرته پرانیستل شوې

0

تاند:( شنبه، د دلوې دويمه) د افغانستان په شمال کې د سالنګ لوېې لارې چارواکو د سختو ورښتونو له کبله د دغې لارې د تړل کیدو خبر ورکړی.

ويل شوي، چې دغه لویه لاره د ډېرو واورو د ورښت او سختو توپانونو له کبله تړل شوې ده.

د سالنګونو د ساتنې رياست وياند سميع الله ولي زاده ويلي، چې دغه لاره تېره شپه د انساني فاجعې او مالي زيانونو د مخنيوي په موخه تړل شوې ده‌.

نوموړي زياته کړې، چې ممکن دا لار بندښت نن ورځ دوام ولري.

ولي زاده له موټر چلوونکو او مساپرو غوښتي، چې د سالنګ پر لويه لاره خپل تګ راتګ وځنډوي.

بل لور ته: د لغمان د ترافيکو مدیر وایي، چې د کابل او ننګرهار تړل شوې لاره ددوی په هلو ځلو بیرته د ترافیکو پر مخ خلاصه شوه.

ياده لاره تېره شپه د سروبي ولسوالۍ په سورۍ تېږه سیمه کې د ورښتونو له کبله د غره ښوييدو په دلیل تړل شوې وه.