پنجشنبه, جنوري 20, 2022
Homeکلتورسینماانجلینا جولي ته د بشرپالنې جایزه ورکول کېږي

انجلینا جولي ته د بشرپالنې جایزه ورکول کېږي

تاند- د امریکا د ساینس او سینمايي هنرونو د اکاډیمۍ د بشرپالنې سږنۍ جایزه به د هالیووډ ستورې انجلیناجولي ته ورکړای شي.

 دا جایزه د آسکر په شان د دې اکاډیمۍ مهمه او ویاړمنه جایزه ده چې د ساینس او سینمايي هنرونو اکاډیمي یې هر کال د نومبر په میاشت کې د آسکر د جایزې تر اعلانولو څو میاشتې مخکې ورکوي.

 د ساینس او سینمايي هنرونو د اکاډیمۍ ريیس شریل بون ایساکس د جمعې په ورځ رسنیو ته وویل، دا جایزه داسي کسانو ته ورکول کېږي چې په محترمو څانګو کې د پام وړ ونډه ولري.

 څو نورو سینمايي لوبغاړو لکه ستیومارتین او انجیلا لنزبري ته به هم افتخاري جایزې ورکړای شي.

 انجلینا جولي د آسکر جایزه ګټلې خو سږ کال دې ته د بشري حقونو په برخه کې د فعالیتونو په خاظر جایزه ورکول کېږي.

 اغلې جولي له څو کلونو راهیسي د ملګروملتو او د دې موسسې د کډوالو د چارو د لویې کمیشنرۍ د ښه نیت سفیره ده او د افغانستان په شمول یې ګڼو جګړه ځپلو هیوادونو ته سفرونه کړي، له جنګ ځپلیو، کډوالو او کورنیو بې ځایه شویو سره یې مرستې کړي دي.

LEAVE A REPLY

Please enter your comment!
Please enter your name here

- Advertisment -

ادب