چهارشنبه, اپریل 14, 2021
Home+نبي یوځل بیا پي اېس اېل کې ۶۷ منډې جوړې کړې

نبي یوځل بیا پي اېس اېل کې ۶۷ منډې جوړې کړې

تاند ( چهارشنبه، د حوت ۱۳) د پاکستان غوره لیګ په دیارلسمه لوبه کې کراچۍ کېنګز لوبډلې پېښور زلمي لوبډلې ته ماتې ورکړه.

د لوبې پيل پېښور زلمي لوبډلې وکړ او د پنځو لوبغاړو په سوځېدو يې د روي بوپارا د ۵۸ او د شیرفان د ۴۶ منډو په مټ مقابلې لوبډلې ته د ۱۸۸ منډو هدف وټاکه.

مقابل کې کراچۍ لوبډلې ټاکل شوی هدف د څلورو لوبغاړو په زیان پوره او لوبه یې د ۶ وېکټو په شتون کې وګټله.

د کراچۍ لپاره افغان لوبغاړي محمد نبي او پاکستاني بابر عظم بهترینه ملګرتیا وکړه.

نبي د څلور شپږیزو او اته څلوریزو پر مټ ۶۷ او بابر اعظم د دریو شپږیزو او شپږو څلوریزو پر مټ  ۷۷ ناسوځیدلې منډې جوړې کړې.

د یادونې ده چې محمد نبي له دې وړاندې لوبه کې هم خپلې لوبډلې لپاره ۵۷ منډې جوړې کړې وې.

LEAVE A REPLY

Please enter your comment!
Please enter your name here

- Advertisment -

ادب