چهارشنبه, اپریل 14, 2021
Homeخبرونههرات کې ناپېژاندو وسله والو یو قومي مشر له خپل زوی او...

هرات کې ناپېژاندو وسله والو یو قومي مشر له خپل زوی او وراره سره وژلي

تاند ( یک شنبه، د حوت ۱۷) ناپېژانده وسله والو تېره شپه د هرات په غوریان ولسوالۍ کې یو قومي مشر د هغه زوی او وراره په ډزو وژلي دي.

 ځایي امنیتي سرچینې وایي چې دا پېښه د غوریان ولسوالۍ په غزه کلي کې رامنځته شوې ده.

د سرچینې په وینا وژل شوي قومي مشر هېڅ حکومتي دنده نه لرله .

په ورته مهال د هرات والي سید وحید قتالي هم یاده پېښه مني او زیاتوي چې دغه کسان وسله والو طالبانو وژلي دي.

دغه راز د یوه بل خبر له مخې د بلخ د امنیه قومندانۍ ویاند عادل شاه عادل وایي چې تېره شپه طالبانو د نهر شاهي ولسوالۍ په ترکمنیه کلي کې د پولیسو پر یوې قرارګاه بریدکړی دی چې پایله کې یې اته پولیس وژل شوي او شپږ نور ټپيان شوي دي.

د عادل په خبره دغه جګړه کې طالبانو ته هم مرګ ژوبله اوښتې خو کره شمېر یې په ډاګه نه کړه.

بل لورته طالبانو تر اوسه د یادو دواړو پېښو په اړه څه نه دي ویلي.

LEAVE A REPLY

Please enter your comment!
Please enter your name here

- Advertisment -

ادب