جمعه, مې 7, 2021
Homeخبرونهبغلان کې ۳۲۸ زېرمې او سړې خونې جوړې شوې

بغلان کې ۳۲۸ زېرمې او سړې خونې جوړې شوې

تاند ( یکشنبه، د حمل ۱۵)  د بغلان د کرنې ریاست چارواکي وايي چې په دغه ولایت کې ٣٢٨زېرمې او سړې خونې جوړې شوې دي.

د بغلان د کرنې رياست د ترويج لوى مدير عبدالمحمود غفوري ويلي چې په دغه ولایت کې د ٣٢٨زېرمو په جوړولو سره د زراعتي محصولاتو د ساتنې لپاره د زېرمو د نشتوالي له پلوه د بغلان د بزګرانو ستونزې هوارې شوې دي.

نوموړي زیاته کړې، چې دغه سړې خونې او زېرمې د کرنې د ودې او پراختيا او د بزګرانو او بڼوالو د مالي بنسټ د پياوړتيا په مقصد جوړې شوي دي.

د غفوري په خبره، د دغو زېرمو له ډلې ١٠٠‎زېرمې د الوګانو ٢٠٠ زېرمې د پيازو او ٢٨ سړې خونې د بڼوالو د مېوو د ساتنې لپاره دي چې د بغلان په مرکز پلخمري ښار او ١٣ ولسواليو کې جوړې شوې دي.

د معلوماتو له مخې، په دغو پروژو ١٦٦ ميليونه افغانۍ لګول شوي چې د کرنې او اوبو لګولو وزارت له بودجې څخه ورکړل شوې دي.

LEAVE A REPLY

Please enter your comment!
Please enter your name here

- Advertisment -

ادب