جمعه, مې 7, 2021
Homeخبرونهاستانبول کنفرانس؛ په ګډ نهه ماده‌ییز لیک کې کوم مهم ټکي شامل...

استانبول کنفرانس؛ په ګډ نهه ماده‌ییز لیک کې کوم مهم ټکي شامل دي؟

تاند (یکشنبه د حمل ۲۲) ترکیې، امریکا ملګرو ملتونو او قطر، د افغان دولت او طالبانو پلاوو ته د ګډو اصولو تر عنوان لاندې یو نهه ماده ‌ییز لیک سپارلی دی څو د ترکیې ناسته کې ورباندې هوکړې ته ورسېږي.

په یاد متن کې راغلي چې افغانان له څو لسیزو جګړو ستړي شوي دي او دوی ټول د افغانانو په مشرۍ د سولې پروسې پرمختګ ته ژمن دي.

په دغه نهه ماده ‌ییز لیک کې ډېر مهم موضوعات راخیستل شوي دي، خو سراسري او تلپاتې اوربند، انتقالي حکومت او د همدې حکومت له لارې ټول شموله دولت ته زمینه برابرول، بشري حقونو ته درناوی، د تېرو لاسته راوړنو ساتنه، له نړیوالو، ګاونډیو او سیمه ییزو هېوادونو سره د ښو اړیکو ساتل د دغه متن مهم ټکي دي.

د یاد لیک په یوه ماده کې راغلي چې اسلام مقدس دین چې د افغانستان رسمي دین او د افغانانو د یووالي منبع ده او سیاسي مشارکت به د همدې دین په رڼا کې ترسره کېږي.

بله خوا د افغان دولت مرکچي پلاوي د پورته موادو تر څنګ په لاندې اصولو ټینګار کړی دی او ویلي یې دي چې د اسلام مقدس دين او عنعنات به د افغانستان د خلکو د ملي يوالي بنسټ وي، د افغانستان سياسي راتلونکی او سرنوشت به د رڼو او ازادو ټاکنو په اساس ټاکل کېږي، د سيمې او ګاونډي هيوادونه به افغانستان ته د بهرنيو جنګیاليو له ورتګ مخنيوی کوي او د سولې وروسته باید په هيواد کې د داخلي جګړو د رامنځته کېدو څخه د مخنيوي تضمين وجود وي.

ورته مهال د افغانستان د بهرنیو چارو وزارت هم منلې چې د ملګرو ملتونو د دې ۹ ماده ییز لیک کاپي ورته رسېدلی ده چې موخه یې د استانبول له غونډې مخکې د مهمو ټکو په هکله د افغان مرکچي او طالب پلاویو یوې هوکړې ته رسېدل دي.

ملګرو ملتونو؛ د ترکیې د ناستې په درشل کې ګډون کوونکو ته د افغانستان په اړه ځینې مهم موارد د هوکړې په موخه سپارلي

LEAVE A REPLY

Please enter your comment!
Please enter your name here

- Advertisment -

ادب