جمعه, جنوري 28, 2022
Homeخبرونهکونړکې د قران کریم د حافظانو پر غونډه توغندی لګېدلی

کونړکې د قران کریم د حافظانو پر غونډه توغندی لګېدلی

تاند ( دوشنبه، د ثور۶مه) د کونړ ولایت چارواکي وایي، وسله والو طالبانو نن سهار نهه نیمې بجې د ولایت پر ودانۍ هغه مهال توغندی توغولی، چې هلته د قران کریم د لسګونه حافظانو ترمنځ د حسن قرات سیالي روانه وه.

والي محمد اقبال سعید وایي په دې پېښه کې ۱۶ تنه ټپیان شوي دي.

والي زیاتوي، چې په ټپيانو کې ۱۳ تنه یې د قرآن کریم د حسن قرآت سیالیو ګډونوال او ۳ تنه یې تنظیموونکي دي.

نوموړی وایي ټپيان د کونړ د بېلابېلو مدرسو زده کوونکي دي.

بل لورته بیا روغتیايي مسوولان هم وایي، چې دپېښې له ځایه ورته ۱۵ ټپیان ور وړل شوي دي.

روغتیایي مسوولان زیاتوي، په ټپيانو کې د ۴ تنو حالت ښه نه دی.

چارواکي وایي توغندی د وسله والو طالبانو له لوري توغول شوی وو خو وسله والو طالبانو بیا تر اوسه په دې اړه څه نه دي ویلي.

2 COMMENTS

  1. دا شو د دلال طالب مسلماني. هغه ابلیس حرمونی ذبیح په نامه مجاهد چېرې دې چې اعلان وکړي او وایې چې د افغانستان د دولت شپارس تنه حافظان مو په يوې غلچکۍ حملې کې زخمیان کړل. ستاسو په کړونو لعین شيطان هم شرمېږي. لعنتیانو

  2. که څه هم د روژې په مبارکه میاشت کې لوی شیطانان د الله په حکم سره تړلي وي او یا پنجاب ته په رخصتي تللي دي ، خو واړه بچیان یاټالبان یې خلاص ګرځي . دوی که کومه ورځ افغانان مړه نکړي خوب نه ورځي . د الله ج لعنت دې وي د پنجاب پردغو تور مخو مزدورانو.

LEAVE A REPLY

Please enter your comment!
Please enter your name here

- Advertisment -

ادب