جمعه, جنوري 28, 2022
Homeکلتورسینماد بالیووډ اداکاره عالیه بټ د کورونا واکسین پر ارزښت سریال جوړوي

د بالیووډ اداکاره عالیه بټ د کورونا واکسین پر ارزښت سریال جوړوي

تاند ( یکشنبه، د جوزا ۱۰ مه)  هندي رسنۍ وایي، د بالیووډ مخکښه اداکاره عالیه بټ غواړي د کورونا ضد واکسین د ارزښت په اړه خلکو ته د عامه پوهاوي په موخه یو سریال جوړ کړي.

د راپورونو په حواله، اداکاره او پروډیوسره عالیه بټ د کورونا په اړه په ټولنیزو رسنیو کې د خپرو شویو اوازو او د کورونا ضد واکسین په اړه د دقیقو معلوماتو په تړاو یو وېب سریال جوړوي.

د معلوماتو له مخې، دا وېب سریال The Intersection به پنځه برخې ولري.

عالیه بټ د دې وېب سریال په اړه په خپل ټویټر اکاونټ کې مینه والو ته معلومات ورکړي دي.

عالیه بټ وایي، که څه هم واکسین راغلي دي، خو اوس هم ډېر خلک د تذبذب ښکار دي، د دې هر څه وجه په ټولنیزو رسنیو کې د غلطو معلوماتو خپرېدل دي.

هغې زیاته کړې چې دا وېب سریال به د واکسین په اړه پوره او دقیق معلومات خلکو ته ورکړي او د واکسین د انتخاب په برخه کې به هم د خلکو سره مرسته وکړي.

د یادولو وړ ده چې د روان کال د اپریل په دویمه نېټه عالیه بټ هم په کورونا ویروس اخته شوې وه، چې وروسته بیا کرنټین شوه او د اپریل په ۱۴مه نېټه يې د کورونا ټېسټ منفي راغی.

1 COMMENT

LEAVE A REPLY

Please enter your comment!
Please enter your name here

- Advertisment -

ادب