سه شنبه, جنوري 25, 2022
Homeخبرونهترکیې ومنله چې د حامد کرزي هوايي ډګر امنیتي مسوولیت په غاړه...

ترکیې ومنله چې د حامد کرزي هوايي ډګر امنیتي مسوولیت په غاړه واخلي

تاند(جمعه، د جوزا ۱۴) د ترکیې حکومت له ناټو سره د ۱۳۰ ملیون ډالرو په بدل کې موافقه کړې چې د حامد کرزي نړیوال هوايي ډګر امنیت وساتي.

د حامد کرزي نړیوال هوايي ډګر د پلازمېنې کابل له زړه څخه ۱۶ کیلومتره لېرې دی.

دا هوايي ډګر د پوځي چارو لپاره هم کارول کېږي.

د کابل د حامد کرزي هوايي ډګر د اریانا افغان هوايي شرکت، کام اییر، صافي اییروېز او نورو هوايي شرکتونو مرکز هم دی.

ترکیې وروسته له دې د دغه هوايي ډګر د امنیتي چارو مسوولیت په غاړه واخیست چې مخکې په دې اړه شکونه وو چې ترکیه به دا مسوولیت ومني او که ونه مني.

د امریکايي او ناټو ځواکونو د بشپړه وتلو لپاره د سپټمبر یوولسمه وروستۍ نېټه ټاکل شوې ده.

تېره میاشت د افغانستان د ملکي هوايي چلن ادارې له ناټو څخه وغوښتل چې د حامد کرزي د نړیوال هوايي ډګر بشپړ کنټرول وروسپاري.

وېره ده چې له ناټو څخه افغان ځواکونو ته د حامدکرزي هوايي ډګر د مسوولیتونو له سپارل کېدو وروسته به پر دغه هوايي ډګر د طالبانو بریدونه زیات شي. طالبانو له بهرنیانو سره موافقه کړې چې د هغو پر مرکزونو به بریدونه نه کوي خو کله چې بهرني پوځیان له دغه هوايي ډګره ووځي، طالبان به پرې بریدونه پیل کړي.

2 COMMENTS

  1. د کابل نړیوال هوايي ډګر د افغانستان د ملت ملکیت دی . دا په حامدکرزي اوکوم بل شخص پورې اړه نه لري . دا هوایی ډګر د اعلیحضرت محمد ظاهرشاه د واکمنۍ په موده کې جوړشوی دی. ښاغلي کرزي د دې میدان په جوړولو کې کومه ونډه نده اخیستې او که احیانا د کوم چا د افتخاري نوم ورباندې ږدئ نو د غازي امان الله خان نوم تر ټولو غوره دی ، هغه د لومړي ځل لپاره افغانستان ته الوتکې وارد کړې .
    که طالبان ځانونه د افغانستان اتباع او مدافعین ګڼې ، دوی به هېڅکله په داسې مهم او حیاتي ځای برید ونکړي . په میدان کې سلګونه ملکي الوتکې هم شته اودا د اشخاصو او دولت ملکیت دی چې ارزښت یې میلیونو دالرو ته رسیږي.

  2. بیادر چار کلا ره خدا داده قهرمان ساز ، قبر ساز، نامگذاری اماکن پول و تنگه ساعت شان تیر است دیگه !

LEAVE A REPLY

Please enter your comment!
Please enter your name here

- Advertisment -

ادب