شنبه, جنوري 22, 2022
Homeخبرونهسرحدي ځواکونو پکتیا کې یو پاکستانی طالب ژوندی نیولی

سرحدي ځواکونو پکتیا کې یو پاکستانی طالب ژوندی نیولی

تاند (سه شنبه د جوزا ۱۸مه) افغان سرحدي ځواکونو تېره ورځ په پکتیا ولایت کې یو پاکستانی طالب ژوندی نیولی دی.

له ۲۰۳ تندر قول اردو څخه په خپره شوې خبرپاڼه کې راغلي، د دوهمې سرحدي لوا منسوبینو د پکتیا ولایت د ډنډې پټان ولسوالي په “مقبلو دره” کې یو طالب چې عظیم اختر نومېږي او د هغې غاړې د مانسهرې اوسېدونکی دی نیولی دی.

د نیول شوي طالب شناختي کارت

د سرچینې د مالوماتو له مخې، نوموړی په اردو ژبه خبرې کوي او په خپل اعتراف کې یې ویلي چې شپږ‌ کاله یې پاکستان کې تروریستي زده کړې ترلاسه کړې دي.

سرچینې د نیول شوي کس له قوله لیکلي چې له افغان ځواکونو سره د جګړې او دلته د وران کاره فعالیتونو لپاره د یوې ۱۶ کسېزې ډلې په ترکیب کې را استول شوی دی.

سرچینې د نیول شوي کس له قوله لیکلي چې له افغان ځواکونو سره د جګړې او دلته د وران کاره فعالیتونو لپاره د یوې ۱۶ کسېزې ډلې په ترکیب کې را استول شوی دی.

که څه هم پاکستاني حکومت په ښکاره ډول تر اوسه نه ده منلې چې دغه ډول ترهګر د دوی په خاوره کې روزل کیږي او بیا د جګړې لپاره افغانستان ته یې رالیږلي؛ خو له دې وړاندې هم سلګونه ځله ګڼ شمېر پاکستاني وګړي او حتی د پوځ او ملیشه سرتیري یې له افغان ځواکونو سره په مخامخ جګړه کې وژل شوي او یا هم ژوندي نیول شوي دي.

په کور دننه د افغان سیاسيونو او حکومتي چارواکو ښکاره نظر بیا دا دی، چې پاکستان د ترهګرو او جګړه مارو د روزلو ښکاره ځاله ده او لرې نه ده چې د یاد هېواد دا ډول پالیسي به ډیر ژر د ده لپاره په یو لوی سرخوږي بدله شي.

1 COMMENT

  1. د افغان نضامی ځواک بد کوي چې پاکستانی نیسی او اعلانوی یې! دا ځکه چې پاکستان سره زرګونه افغانان په پټو زندانونو کې پراته دي او یا یې د پښتونخوا پښتنو غوندې ترۍ تم کوي! دا پاکستانی جاسوس به هم د را تلونکي دولت د شریکانو(طالبانو) له خوا او یا هم د ښو نیتونو په نامه بیرته ای اس ای ته تسلیم شي ! دا جاسوسان د ای اس ای رسمی اجنټان دي! یا تری تم کړئ او یا پټ وساتئ!

LEAVE A REPLY

Please enter your comment!
Please enter your name here

- Advertisment -

ادب