شنبه, جنوري 22, 2022
Homeخبرونهملي دفاع، کورنیو چارو او کلیو پراختیا وزارت ته نوي سرپرست وزیران...

ملي دفاع، کورنیو چارو او کلیو پراختیا وزارت ته نوي سرپرست وزیران وټاکل شول

تاند (شنبه د جوزا ۲۹مه) ولسمشري ماڼۍ تازه د ملي دفاع وزارت، کورنیو چارو وزارت او کلیو بیارغونې او پراختیا وزارت لپاره نوي سرپرست وزیران ور وپیژندل.

د ولسمشري ماڼۍ د چارو ادارې له لوري په خپره شوې خبرپاڼه کې ویل شوي چې د کورنیو چارو وزارت پخوانی وزیر ستر جنرال بسم الله خان محمدي د ملي دفاع وزارت، د کندز او کونړ پخوانی والي جنرال عبدالستار میرزکوال د کورنیو چارو وزارت او د کورنیو چارو وزارت پخوانی سرپرست حیات الله حیات د کلیو بیارغونې او پراختیا وزارت لپاره د سرپرست وزیرانو په توګه وټاکل شول.

په خبر پاڼه کې وړاندې راغلي: “د دې حکمونو پر اساس، په پارلماني چارو کې د دولت وزارت مؤظف شوی چې ملي شورا ته دې د یادو سرپرست وزیرانو د معرفي کولو لپاره ژر تر ژره اقدام وکړي.”

د خبرپاڼې له مخې، د ولسمشري ماڼۍ د عالي مقام د فرمان په اساس، د کلیو بیارغونې او پراختیا وزارت پخوانی سرپرست مجیب الرحمن کریمي، په پراختیايي او زیربنایي چارو کې د ولسمشر د ستر سلاکار په توګه ټاکل شوی دی.

په امنیتي ادارو کې دا بدلونونه په داسې حال کې راغلل چې د هېواد په ډیر شمېر ولایتونو کې افغان ځواکونه له طالب وسله والو سره په مخامخ جګړو بوخت دي.

په همدې حال کې بیا طالبان د ولسوالیو د نیولو خو افغان لوری بیا هره ورځ له ۲۰۰ څخه د ډیرو طالبانو د وژلو ادعا کوي.

1 COMMENT

LEAVE A REPLY

Please enter your comment!
Please enter your name here

- Advertisment -

ادب