دوشنبه, جولای 26, 2021
Homeخبرونهترکیې او ایران؛ افغانستان کې پر اوربند او سیاسي جوړجاړي ټینګار وکړ

ترکیې او ایران؛ افغانستان کې پر اوربند او سیاسي جوړجاړي ټینګار وکړ

تاند (یکشنبه د جوزا ۳۰) د افغانستان، ایران او ترکیې درې اړخیزه ناسته کې افغانستان کې پر بېړني اوربند او د یوه سیاسي جوړجاړي له لارې سولې ته پر رسېدو ټینګار وشو.

د افغانستان د بهرنیو چارو وزارت وايي، په دې ناسته کې د افغانستان د بهرنیو چارو وزیر محمد حنیف اتمر، د ایران د بهرنیو چارو وزیر جواد ظریف او د ترکیې د بهرنیو چارو مولود چاوش اوغلو برخه لرله، د یوې اعلامیې په خپرولو سره پای ته ورسېده.

په اعلامیه کې د حنیف اتمر له قوله راغلي، افغانستان چې د افراطیت له امله د اوږدې جګړې قرباني دی، د دې جګړې د پای ته رسولو لپاره د سیمه ییزو هېوادونو پرېکنده ملاتړ او همکاریو ته اړتیا لري.

اعلامیه زیاتوي ښاغلي اتمر له له ترکیې وغوښتل چې له نورو ګاونډیو هېوادونو سره یو ځای تلپاتې سولې ته د رسېدو برخه کې د افغانانو لاسنیوی وکړي.

د اعلامیې وروستۍ برخه کې راغلي چې په دې غونډه کې د افغان ستونزې پر سیاسي حل لارې، اوربند، د سولې خبرو پر بریا او په دې برخه کې د سیمه ییزو هېوادونو پر صادقانه همکاریو ټینګار وشو.

LEAVE A REPLY

Please enter your comment!
Please enter your name here

- Advertisment -

ادب