سه شنبه, جنوري 25, 2022
Homeخبرونهسرور دانش:د افغانستان د ژغورنې لار د طالبانو ضد ولسي پاڅون دی

سرور دانش:د افغانستان د ژغورنې لار د طالبانو ضد ولسي پاڅون دی

تاند(پنج شنبه، د سرطان ۱۱) د ولسمشر غني دویم مرستیال سرور دانش په خپلو تازه څرګندونو کې ویلي چې د طالبانو له لوري د تاوتریخوالي لوړه کچه څرګندوي چې د دغې ډلې د سولې ادعا له دروغو پرته بل هیڅ هم نه دي او دغه ډله د افغان کشالې پر سیاسي حل باور نه لري.

نوموړي پر خپل ټویټر د افغانستان جګړه کې د بهرنیو کړیو ځانګړې توګه د پاکستان مداخلې ته هم اشاره کړې او زیاته کړې یې ده چې په اوسنیو شرایطو کې د افغانستان د ژغورنې یوازینۍ لار پراخ ملي مقاومت، د طالبانو پر ضد ولسي پاڅون، د ملي یووالي پیاوړتیا او له افغان ځواکونو څخه د خلکو کلک ملاتړ دی.

طالبانو تر اوسه د ولسمشر د دویم مرستیال سرور دانش دې څرګندونو ته غبرګون نه دی ښودلی.

د یادونې ده چې تېره ورځ هم سرور دانش ویلي وه چې طالبان د وینو تږدي دي، ځکه خو د روانې جګړې د حرمت په اړه د اسلامي نړۍ د دیني عالمانو فتواوو ته پام نه کوي.

نوموړي چې په کابل کې یوې غونډې ته خبرې کولې د طالبانو هغو څرګندونو ته په اشارې چې ویلي یې دي راتلونکی نظام به ټولشموله وي وویل، د طالبانو پر دې څرګندونو یوازې هغه څوک غولېدای شي چې د دغې ډلې تېره تیاره دوره یې نه وي لیدلې.

نوموړي زیاته کړې چې د خلکو حافظه دومره هم ضعیفه نه ده چې د یو طالب قومندان هغه خبره له یاده وباسي چې ویلي یې وو تاجک دې تاجکستان او ازبک دې ازبکستان ته لاړ شي.

دانش د خپلو خبرو پر دوام ویلي، څومره چې وخت تېرېږي په هغې کچه سیاسي نظام او نورو ازادیو ته تحدید هم ډېرېږي، نو خلک ځانګړې توګه رسنۍ دې د طالبانو د تبلیغاتو وسله نه ګرځي او په خبره یې، رسنیو ته په کار ده چې د افغانستان نظام ته د متوجه ګواښونو سره د عملي مبارزې ډګر ته راووځي.

2 COMMENTS

  1. ته هم د دې هیواد خاین یې ، ځکه چې تا علیپور ترهګر قومندان پریښود، تا یې ضمانت وکړ، او هغه د ترهګرو یې د هیواد د هوایي ځواک چورلکه په ایراني توغندي وویشتله.
    اوس د دې نه دا څرګندیږي، چې ته هم د ایران غلام او اسیر جنایت کار یې ، او علیبور هم.
    دا د یو عام افغان خبري دي، چې نه ترهګر دی او نه د دولت چارواکی. ځکه موږ په خپلو امنیتي ځواکونه خپه کیږو.

  2. څوک چې افغانستان ورانوي خراسان او ترکمنستان غواړي نو دهغوی لپاره د طالب وینا درسته ده خو متاسفانه هغه ندي ویلي چې چنګیزیان د منګولیا ته لاړ شي !

LEAVE A REPLY

Please enter your comment!
Please enter your name here

- Advertisment -

ادب