سه شنبه, جنوري 25, 2022
Homeخبرونهد افغانستان برېښنا شرکت له خلکو د برېښنایي تاسیساتو د ساتنې طرحې...

د افغانستان برېښنا شرکت له خلکو د برېښنایي تاسیساتو د ساتنې طرحې غوښتي

تاند (شنبه د سرطان ۱۲) د افغانستان د برېښنا شرکت وايي، په وروستیو شپږو میاشتو کې د هېواد په بېلو سیمو په ځانګړې توګه شمال کې د برېښنا ۳۹ پایې په ماینونو الوځول شوې او ویجاړې شوې دي.

دغې ادارې نن شنبه په یوه بیان کې ویلي چې د دغو پایو په ړنګېدو سره د برېښنا شرکت ته میلیونونه افغانۍ زیان اوښتی دی او له خلکو یې د برېښنایي تاسیساتو د ساتنې طرحې غوښتې دي.

د برېښنا شرکت وايي دا چې برېښنايي تاسیسات د بیت المال یوه برخه او د هغو ساتنه د ټولو هېوادوالو په ځانګړي ډول د امنیتي ځواکونو مسؤلیت دی.

په بیان کې وړاندې راغلي، د برېښنا شرکت رهبري له ټولو هېوادوالو غواړي چې د برېښنايي تاسیساتو د ساتنې په موخه خپلې طرحې او پروګرامونه له دوی سره شریک کړي.

د عامه شتمنیو نړول په ځانګړې توګه د برېښنا ستنو د نړولو پېښې له څو میاشتو راهیسې په افغانستان کې ډېرې شوي دي.

افغانستان د خپلې اړتیا برېښنا ډېره برخه له بهره واردوي چې هر کال د نږدې ۲۱۷ میلیونو ډالرو په ارزښت لګښت پرې راځي.

2 COMMENTS

  1. هر کلی او منطقی خلکو ته د د ازاد رقابت له لاری د امنیت ساتلو له پاره په قرارداد ورکړی ، خو پام چه یو او یا یوی ډلی ته ورنکړل شی چه هغه بیا خپله یو لوی سرخوږی رامنځ ته کولای شی ، پدی سره به لوی داړه ماران او غله هم کنترول شی او هم به د منطقی د خلکو تر منځ یو ښه سالم رقابت او امرار معشیت پیداشی .

  2. 1- د برېښنا د شرکت رئیس باید له خپلې دندې لرې کړای شي دی هم د مافیا د ډلې غړی دیږ
    2- د پایو د مخافظت لپاره دې امنیتي کامرې نصب او لس قطاره دې پرسنل ماین ځای پرځای کړای شيږ

LEAVE A REPLY

Please enter your comment!
Please enter your name here

- Advertisment -

ادب