جمعه, جنوري 28, 2022
Homeخبرونهد ولسمشرله پرېکړې سره مخالفت؛ محقق وایي د دایکندي د والي د...

د ولسمشرله پرېکړې سره مخالفت؛ محقق وایي د دایکندي د والي د ټاکل کېدو پرېکړه وځنډېده

تاند ( چهارشنبه، د سرطان ۲۳) محمد محقق د ولسمشر له دویم مرستیال سرور دانش سره لیدلي او د دایکندي د والي د ټاکل کېدو په اړه یې سره خبرې کړې دي.

دوی داسې مهال دا لیدنه ترسره کوي، چې محقق د ولسمشر له پرېکړې سره مخالفت کړی او د دایکندي د نوي والي مخه یې نیولې ده.

محقق په دې لیدنه کې ویلي، چې د دایکندي پر وروستي امنیتي وضعیت یې له سرور دانش سره خبرې وشوې او پرېکړه یې وکړه، چې په اوسني حساس وضعیت کې تر یوې مودې د یاد ولایت د والي د ټاکل کېدو پرېکړه باید وځنډول شي.

نوموړي ویلي،دوی به د خلکو د نظر په پام کې نیولو سره د دواړو لوریو په مشوره یو بل وړ کس د یاد ولایت د والي په توګه وټاکي.

د ویلو ده، چې وړمه ورځ ولسمشر مراد علي مراد د دایکندي والي په توګه وټاکه او نن نوموړی د دایکندي د والي په توګه یاد ولایت ته روان و، خو د محقق د مخالفت له امله بېرته کابل ته را وغوښتل شو.

دا لومړی ځل نه دی، چې د حکومت پرېکړې له مخالفت سره مخ کېږي تر دې وړاندې داوود لغمانی د فاریاب د والي په توګه وټاکل شو؛ خو د دوستم د مخالفت له امله یې څو ورځې د پوځ په لواء کې تېرې کړې او بېرته کابل ته راوغوښتل شو.

نوموړی له دې مخالفت وروسته د غزني والي وټاکل شو.

که څه هم هېواد کې د طالبانو او افغان ځواکونو ترمنځ جګړې اوج ته رسېدلي، خو عام خلک په دې حساسو شرایطو کې د سیاسیونو دا ډول مخالفتونه ښه نه بولي.

دوی وایي، اوس د دې وخت نه دی چې مشران او چارواکي دې د والیانو په سر له حکومت سره ښکر په ښکر شي؛ بلکې د امن او ثبات لپاره دې په یوه خوله کار وکړي.

1 COMMENT

LEAVE A REPLY

Please enter your comment!
Please enter your name here

- Advertisment -

ادب