یکشنبه, اکتوبر 17, 2021
Homeخبرونهافغان ځواکونو، د بامیان کهمرد ولسوالی له طالبانو پاکه کړه

افغان ځواکونو، د بامیان کهمرد ولسوالی له طالبانو پاکه کړه

تاند (جمعه د سرطان ۲۵) ځایي چارواکي وایي، افغان ځواکونو د بامیان ولایت په کهمرد ولسوالي کې طالبانو ته سخت تلفات اړولي او یاده ولسوالي اوس د حکومت په ولکه کې ده.

د یاد ولایت د والي مرستیال رسنیو ته ویلي، د والي محمدطاهر زهیر په مشري سلګونه افغان سرتېرو او ولسي پاڅون‌والو نن سهار د سیغان ولسوالي له نیولو وروسته غرمه مهال کهمرد ولسوالي هم د طالبانو له شتون څخه پاکه کړه.

د والي مرستیال عتیق الله عتیق زیاته کړې، په یادو عملیاتو کې لسګونه طالبان وژلي او ګڼ شمېر وسلې یې ورڅخه ترلاسه کړې دي.

د بامیان ولایت سیغان او کهمرد ولسوالي تېره اونۍ د طالبانو لاس ته ورغلې وې.

په همدې حال کې بیا د کندهار سپین بولدک ولسوالي هم له سختو جګړو وروسته نن سهار افغان ځواکونو ونیوله چې لسګونه افغان او پاکستاني طالبان په‌کې ووژل شول.

د سپین بولدک په جګړه کې د رویټرز خبري اژانس خبریال دانش صدیقي هم د طالبانو له لوري د هوت غره په سیمه کې د دندې پرمهال ووژل شو.

LEAVE A REPLY

Please enter your comment!
Please enter your name here

- Advertisment -

ادب