دوشنبه, جولای 26, 2021
Homeروغتیاد زړه د حملې لاملونه

د زړه د حملې لاملونه

تاند ( یکشنبه، د سرطان ۲۷ مه ) روغتیا پوهان وایي، د زړه حملې په اړه وروستیو څېړنو ښودلې چې تر ډیره د سټریس یا ذهني فشار له امله رامنځ ته کیږي.

د څیړونکو په وینا، تازه څېړنو کې موندل شوې چې ډیرو کسانو باندې د اونۍ د پیل په ورځ یعنې د شنبې په ورځ دغه حمله راغلې ده.

ماهرین زیاتوي څېړنو ښودلې چې د زړه د حملې ۲۱٪ یې په همدغه ورځ رامنځ ته شوې دي.

څېړونکي وایي، د ستریس هورمونه د اونۍ په پیلیزه ورځ ډیر فعالیږي او د راتلونکې اونۍ سټریس د زړه حملې باعث ګرځي.

د معلوماتو له مخې، د زړه حمله هغه وخت منځ ته راځي کله چې د زړه هغه واړه رګونه چې پخپله زړه (د زړه عضلاتو) ته وينه او اکسېجن رسوي، يودم بند شي.

کله چې دا پېښه وشي نو د زړه هغه برخه يا ساحه چې معمولاً به نوموړي بند شوي رګ وينه ور رسوله زيانمنه کيږي او يا که پخپل وخت رګ خلاص نشي مړه کيږي.

د زړه حمله اصلاً د زړه د رګونو يا شريانونو ناروغي ده. پدې ناروغۍ کې د زړه په رګونو غوړ څاڅکې کښېني چې د وخت په تېريدو د رګ په منځ کې غوړينه طبقه منځ ته راوړي.

دغه طبقه يا طبقې په ډيره اسانۍ سره ماتېدی شي. د رګ د دغې طبقې له ماتېدلو وروسته په مات ځای د ويني غوټه يا لخته جوړيږي چې هغه د رګ د يودم بندېدو او د زړه د حملې باعث ګرزي.

څېړوونکي دغه راز زیاتوي چې که څه هم شنبه د اوونۍ د پیل ورځ وي او ډیری ادارې په همدې ورځ اونیز پلانونه چمتو کوي باید ادارې دا ډول پرېکړې او غونډې ونه کړي چې د کارکوونکو د ذهني فشار یا سټرس لامل شي.

LEAVE A REPLY

Please enter your comment!
Please enter your name here

- Advertisment -

ادب