یکشنبه, سپتمبر 19, 2021
Homeخبرونهمجروح: د کورونا د پېښو ګراف په ټېټېدو دی، خلک دې له...

مجروح: د کورونا د پېښو ګراف په ټېټېدو دی، خلک دې له احتیاط کار واخلي

تاند (سه شنبه د سرطان ۲۹) د افغانستان د عامې روغتیا وزارت له خلکو غوښتي چې د اختر په مراسمو کې له تګ راتګ او ناستې ولاړې ډډه وکړي.

د عامې روغتیا سرپرست وزیر وحید مجروح په یوه ویډيويي پیغام کې له خلکو غوښتنه کړې چې په هېواد کې لا هم د کورونا خطر پر خپل ځای دی او ټولو وګړو ته په کار ده چې روغتیايي سپارښتنو ته پاملرنه وکړي.

د ښاغلي مجرو په خبره، د کورونا د پېښو ګراف مخ پر ټېټېدو دی خو که خلک د اختر په مراسمو کې له احتیاط کار وا نه خلي ددغه ګراف د بیا لوړېدو امکان شته دی.

عامې روغتیا وزارت د حیواناتو د قرباني کولو پر مهال هم له خلکو د احتیاط غوښتنه کړې او ټینګار یې کړی چې د قربانۍ پر مهال هم د ټولو صحي مواردو په پام کې نیول اړین دي.

عامې روغتیا وزارت داسې مهال دغه څرګندونې کوي چې د صحي پوهانو په باور عام افغانان روغتیايي سپارښتنو ته پاملرنه نه کوي، نو له همدې امله ښايي د کورونا د مثبتو پېښو ګراف تر اختر وروسته یو ځل بیا لوړ شي.

LEAVE A REPLY

Please enter your comment!
Please enter your name here

- Advertisment -

ادب