چهارشنبه, سپتمبر 22, 2021
Homeخبرونههند ته د افغانستان د لوى درستيز سفر وځنډېد

هند ته د افغانستان د لوى درستيز سفر وځنډېد

تاند(دوشنبه، اسد4) – هندوستان ته د افغانستان د ملي دفاع وزارت د لوى درستيز ستر جنرال ولي محمد احمدزي سفر د طالبانو د وروستيو تاوتریخوالو د زياتوالي له امله وځنډېد.

ټاکل شوې وه، چې ښاغلى احمدزى به د جولاى په 27مه د درې ورځني سفر لپاره هند ولاړ شي او هلته به د دې هېواد د لوى درستيز جنرال منوج ناراواني او د ملي امنیت سلاکار اجيټ ډوال سره وګوري، خو په نوې ډهلي کې د افغانستان سفارت د دوشنبې په ورځ ويلي، په افغانستان کې د وسله والو طالبانو د تاوتريخوالو او بريدونو د زياتوالي له امله دغه سفر ځنډېدلى.

جنرال احمدزى تېره مياشت د ولسمشر غني له لوري د بدلونونو په لړ کې د ملي وزارت د لوى درستيز په توګه وټاکل شو.

ويل کېږي دا سفر له دې امله مهم بلل کېږي چې له افغانستانه د امریکايي ځواکونو په وتو سره په تېرو څو اونیو کې وسله والو طالبانو تاوتریخوالى زيات کړى او د افغان ځواکونو سره جګړو هم زور اخيستى دى.

نوې ډهلي ته د جنرال احمدزي سفر داسې مهال ځنډېږي چې ټاکل شوې د امریکا د متحدو ایالتونو د بهرنیو چارو وزیر انتوني بلېنکېن هم په دوه ورځني سفر دغه هېواد ته سفر وکړي.

تمه ده، چې د ښاغلي بلېنکېن سفر به د افغانستان لپاره خورا ګټور وي.

LEAVE A REPLY

Please enter your comment!
Please enter your name here

- Advertisment -

ادب