چهارشنبه, سپتمبر 22, 2021
Homeخبرونهپه کابل کې د امريکا سفارت سرپرست:طالبان د افغان ملکيانو د ژوند...

په کابل کې د امريکا سفارت سرپرست:طالبان د افغان ملکيانو د ژوند په اړه بې تفاوته دي

تاند (دوشنبه اسد 4) په کابل کې د امريکا سفارت سرپرست راسن‌ويلسن پر وسله والو طالبانو نيوکه‌ کړې ده چې ولې ګواکې دسولې د معنی داره خبرو په تړاو غلي دي، نوموړي زياته کړې چې د طالبانو دغه کار په افغانستان کې د ولسي وګړو د ژوند په اړه د دې ډلې بې تفاوتي ښيي.
د ويلسن په وينا افغانان هره ورځ وژل کيږي او دغه هېواد لاپسی ورانیږي.

طالبانوتر اوسه د ويلسن د څرګندونو پر وړاندې غبرګون نه دی ښودلی.په کابل کې د امريکا سفارت سرپرست په داسې حال کې دغه څرګندونې کوي چې په کور دننه او بهر د ملکي مرګ ژوبلې د زياتېدو په هکله اندېښنې زياتې شوي دي.

دیوناما په تازه راپور کې چې د دوشنبې په ورځ/د اسد ۴مه/ یې خپور کړ راغلي، د ۲۰۲۰ کال د لومړیو شپږو میاشتو په پرتله د روان کال په لومړیو شپږو میاشتو کې د ملکي وګړو مرک ژوبله ۴۷ سلنه زیاته شوې.

په دې راپور کې راغلي چې د روان میلادي کال د جنورۍ له لومړۍ نېټې څخه د جون میاشتي تر پایه پورې ۵۱۸۳ ملکي افغانانو ته مرګ ژوبله اوښتې چې په دې کې ۱۶۵۹ کسان وژل شوي او ۳۲۵۴ نور ټپیان دي.

LEAVE A REPLY

Please enter your comment!
Please enter your name here

- Advertisment -

ادب