پنجشنبه, جنوري 27, 2022
Homeخبرونهابراهیم رییسي: افغانستان د ایران په بهرني سیاست کې ځانګړی ځای لري

ابراهیم رییسي: افغانستان د ایران په بهرني سیاست کې ځانګړی ځای لري

تاند (پنجشنبه د اسد ۱۴) ولسمشر محمد اشرف غني چې په یو ورځني رسمي سفر د ایران پلازمېنې تهران ته رسېدلی د دغه هېواد له نوي ولسمشر ابراهیم رییسي سره وکتل.

د افغانستان ولسمشرۍ ماڼۍ وايي په دې لیدنه کې دواړو لوریو د دوه اړخیزو همکاریو پر پراختیا او پیاوړتیا ټینګار وکړ.

په دې لیدنه کې د ایران ولسمشر وویل چې دوی د افغان دولت ملاتړ کوي او د سولې لپاره د سیمه ییزې اجماع د پیاوړي کېدو برخه کې هم د بشپړې همکارۍ ډاډ ورکوي.

د ارګ د معلوماتو له مخې، نوموړي د افغانانو د تېرو شلو کلونو د لاسته راوړنو پر ساتنه هم ټینګار وکړ.

د ابراهیم رییسي په خبره ګاونډي هېوادونه په ځانګړي ډول افغانستان د ایران په بهرني سیاست کې ځانګړی ځای لري.

ټاکل شوې ده چې ولسمشر غني به نن د ابراهیم رییسي د لوړې په مراسمو کې تر ګډون وروسته بېرته هېواد ته راستون شي.

ښاغلی رییسي چې د ایران د جمهوري ریاست په سږنیو ټاکنو کې خپل درې سیالان شاته پرېښودل د ایران د مذهبي مشر له خوا د ګټونکي نوماند په توګه تائید شو.

ابراهیم رییسي له دې وړاندې د ایران د قضایه ادارې مشر و او د بشري حقونو د دفاع یو شمېر نړیوالو بنسټونو ورباندې په دغې اداره کې د نوموړي د مشرۍ په مهال د بشر ضد جنایتونو تورونه پورې کړي دي.

1 COMMENT

  1. د بشری حقوقو د نړیوالو سازمانونو ګوزونه یوې خوا ته ، د پورته عکس په هکله یو نظر:
    د ښاغلی غنی ملی لباس د یو بل پټ پیغام درلوونکئ دئ:
    غنی غواړی امریکائیانو ته دا پیغام ولری چی:
    ” امریکائیانو کُسمادرانو! موږ ته مو د دموکراسۍ د ټولو ارزښوتونو! څخه فقط د نیکټائی او دریشی استعمال را اِلقاء کړئ دئ او آخر مو هم خړه وکښله او زموږ او د دموکراسۍ غَرَه او ګوتی مو سره پرېښودلې یعنی موږ د دموکراسۍ په ….. کی او دموکراسۍ زموږ په ….. کی ګوتی را اچولی او د دواړو چیغی پورته سوی دی، نو دا ځل به زه د تېرو سفرونو د لباس د کیفیت خلاف، په پښتنی لباس کی خپل د ګاونډ کور ته ولاړ سم او پښتنی چنې به ووهم څو حد اقل د هیواد د غربی ګاونډ د ستراتژی په بدلون کی اغیزمن او مثبت رول ولوبَوَم” .

LEAVE A REPLY

Please enter your comment!
Please enter your name here

- Advertisment -

ادب