یکشنبه, سپتمبر 19, 2021
Homeادبشعر۹ - د فدا محمد نظري څو شعرونه

۹ – د فدا محمد نظري څو شعرونه

د ستنې سوری

د ستنې په سوري کې،

                         وريښمين تار،

                                          وپېيل شو،

ستن،

      په پټه،

               خوله،

د ټوکره،

           په غاړه کې،

                          سوري جوړوي،

څومره آسانه دي،

د زړه،

    سوري سوري کول،

څومره ستونزمن دي،

                                د هغه بيا،

                                               ګنډل.

  • ****

د سهار سپين لاس

در ياب،

تر توپان وروسته،

خپلې ټولې  څپې،

                             نڅا ته،

                                       راوبللې،

– د باد او اوبو آواز،

                  تر ليرې واټنه تلې –

ځکه،

        د سهار سپين لاس،

                                      له ساحل نه،

                                                   د شپې د تيارې،

تورې لکې،

يوه په يوه،

                  ومينځل.

د شمع رڼا

خښتې،

       خاورې،

                  رېګ،

                        کړکۍ،

                              ايندارې،

  په کور کې،

                    کوټه شي،

په دښت کې،

د تروږمۍ،

              ژوره تياره،

                              او يخني،

په حجره کې،

د شمع رڼا،

او تودوخې.

                      د شنډوالي

ناهيلي

بادونه،

           تاوده،

او،

           اورين الوځي،

وريځې،

            زموږ پر کلي،

                         بې بارانه تېرېږي،

ځمکه،

          د بې بارانه،

                      ورځو په اوږدو کې،

د ((شنډوالي د ناهيلۍ))،

                                            شپې تېروي.

                     د صبحدم

      د را رسېدو

                             هيله

يوازې،

کله چې،

د ماښام تياره،

خپل تور مخ،

کليوالو ته وښيي،

د هغوی،

               په زړونو کې،

د صبحدم د را رسېدو هيله،

منګولې ښخې کړي.

Mir

LEAVE A REPLY

Please enter your comment!
Please enter your name here

- Advertisment -

ادب