سه شنبه, دسمبر 7, 2021
Homeخبرونهاقتصادي خبرونهایران وايي، افغانستان ته یې د تېلو او ګازو صادرات پیل کړي

ایران وايي، افغانستان ته یې د تېلو او ګازو صادرات پیل کړي

تاند (دوشنبه، د سنبلې ۱) ایران چې د تېلو په صادراتو کې د امریکا د بندیزونو له کبله له ستونزو سره مخامخ دی، وايي چې افغانستان ته یې د تېلو او ګازو صادرات ډېر کړي دي.

تمه ده چې د ایران له لوري افغانستان ته د تېلو او ګازو د صادراتو پیلېدا په افغانستان کې د تېلو او ګازو بیې ټیټې کړي.

که څه هم د افغانستان د تېلو د مصرف بازار په نسبي ډول ډیر کوچنی دی خو ایران ته، چې له بندیزونو سره مخامخ دی، یو فرصت ګڼل کېږي.

د ایران د ګاز او پټرولیم د صادراتو اتحادیه وايي چې څو ورځې مخکې طالبانو ورڅخه وغوښتل چې افغانستان ته د تېلو صادرات پیل کړي.

تر دې مخکې افغانستان ډېر تېل له ترکمنستان او نورو هیوادونو څخه واردول ځکه چې د ترکمنستان تېل تر ایراني هغو ارزانه تمامېدل.

په افغانستان کې د وروستیو بدلونو  له کبله د نورو جنسونو په شان د تېلو په بیو کې د پام وړ زیاتوالی راغی او  د راپورونو له مخې د یو ټن تېلو بیه تر ۹۰۰ ډالرو واوښته.

د رویټرز خبري آژانس د راپور له مخې، د ایران د تېلو، ګاز او پټروشیمې تولیداتو د صادراتو د اتحادیې رييس حمید حسیني وايي، طالبانو ایران ته یو پیغام استولی و، او په هغه کې یې غوښتنه کړې وه چې افغانستان ته د تېلو او ګازو صادرات پیل کړي.

حسیني زیاته کړه، افغانستان ته د ایران د تېلو صادرات وروسته له هغه پیل شول چې طالبانو د تېلو پر  وارداتو تعرفې په سلو کې اویا راکمې کړې.

په اسلام کلا بندر کې افغان سوداګر وايي چې طالبانو د نورو وادراتي شیانو تعرفې هم کمې کړي دي. د دوی په باور د هغو اقلامو، چې په افغانستان کې تولیدېږي، د تعرفو کمېدا پر افغاني تولیداتو منفي اغېز کوي.

LEAVE A REPLY

Please enter your comment!
Please enter your name here

- Advertisment -

ادب