چهارشنبه, سپتمبر 22, 2021
Home+په کینیا کې د وحشي حیواناتو شمېر زیات شوی

په کینیا کې د وحشي حیواناتو شمېر زیات شوی

تاند- د کینیا حکومت د وحشي حیواناتو د لومړنۍ عمومي سرشمېرنې له خپرولو سره هممهاله وویل چې د حیواناتو د غیرقانوني ښکار په مخنیوي کې یې اقدامات بریالي دي.

د فرانس پریس خبري اژانس د راپور له مخې، د کینیا حکومت وايي چې له غیرقانوني ښکار سره د دوی مبارزې د چاپېریال او د حیواناتو له ساتنې سره مرسته کړې ده.

د کینیا د حیواناتو په اړه د کینیا د حکومت د سرشمېرنې پر اساس اوس په دغه هیواد کې تر ۳۶ زره ډېر پیلان اوسي چې د ۲۰۱۴ کال په پرتله ۱۲ سلنه ډېر دي.

په ۲۰۱۴  کال په کینیا کې د پیلانو ښکار ډېر عام و.

په دې سرشمېرنه کې دا هم څرګند شوي چې ۳۰ ډوله حیوانات د کینیا په نژدې ۹۵ سلنه خاوره کې اوسي.

ویل کېږي چې د حیواناتو ښکاریانو ته د سختې سزا ورکړې مرسته کړې چې په دغه هیواد کې د حیواناتو ښکار کم شي او د هغوی نسل له انقراضه وژغورل شي.

LEAVE A REPLY

Please enter your comment!
Please enter your name here

- Advertisment -

ادب