چهارشنبه, سپتمبر 22, 2021
Home+پښتون ژورتالیست رحیم الله یوسفزی وفات شو

پښتون ژورتالیست رحیم الله یوسفزی وفات شو

تاند(پنجشنبه، د سنبلې ۱۸) د خیبرپښتونخوا ایالت مشهور خبریال رحیم الله یوسفزی د پنجشنبې په ورځ د ۶۷ کونو په عمر په پېښور کې وفات شو.

د رحیم الله یوسفزي زوی ارشاد یوسفزي په یوه ټویټ کې د خپل پلار مړینه تایید کړې او ویلي یې دي چې هغه له ډېرې مودې راهیسې په سرطان ناروغۍ اخته و.

د ده جنازې لمونځ به د جمعې په ورځ / سپټمبر ۱۰ د مردان د کتلنګ تحصیل په انزار کلي کې ادا او همالته خاورو ته وسپارل شي.

رحیم الله یوسفزی د ۱۹۵۴ م کال د سپټمبر په لسمه نېټه، دقیقاُ هغه ورځ چې خاورو ته سپارل کېږي، دنیا ته سترګې رڼې کړې وې.

رحیم الله یوسفزي ډېر کلونه د بي بي سي له پښتو خپرونې سره همکاري لرله او همداراز د پاکستان دي نیوز ورځپاڼې ته یې شننې لیکلې.

دی یو له هغو خبریالانو څخه و چې په ۱۹۹۵ م کال یې په کندهار کې د القاعده د تروریستي ډلې له مشر اسامه بن لادن سره یې مرکه کړې وه.

د پاکستان صدراعظم عمران خان د رحیم الله یوسفزي په مړینه خواشیني څرګنده کړې او د نومودي له کورنۍ سره یې خواخوږي ښوولې ده.

د عوامي نشنل ګوند مشر اسفندیار ولي خانم هم د رحیم الله یوفزي مړینه ضایعه بللې او د نوموړي له کورنۍ سره غمرازي څرګنده کړې ده.

5 COMMENTS

  1. د یوسفزي صیب روح دي ښاد وي.
    د تاند قدرمنو مسولینو څخه مو غوښتنه ده چې د متن د تصحیح په برخه کې پاملرنه زیاته کړي.
    په همدې متن کې څو ځایه غلطي تر سترګو کیږي له پاسه په دریم سطر د کالو په ځای داسي څه لیکل شوي چې دلته لیکل سم نه راته ښکاریږي.
    په پای خان خانم لیکل شوی او یوسفزی یوفزی لیکل شوی.

  2. دا کس د افغانستان او افغان قسم خوړلی دښمن او ډېر مضر سړی و. تل يې له افغان سره دښمني وپالله. اوس به يې حساب ورکړي.

LEAVE A REPLY

Please enter your comment!
Please enter your name here

- Advertisment -

ادب