جمعه, اکتوبر 22, 2021
Homeخبرونهد نري رنځ له کبله پنتاګون امریکا ته د افغانانو د لېږدولو...

د نري رنځ له کبله پنتاګون امریکا ته د افغانانو د لېږدولو بهیر ودراوه

تاند(سې شنبه، د سنبلې ۲۳)  پینتاګون وايي، امریکا ته د افغانانو د بېولو بهیر یې وروسته له دې ځنډولی چې اووه ورځې وړاندې له افغانستان څخه د څو افغانانو د نري رنځ یا توبورکلوز ناروغي تشخیص شوه.

پنتاګون وايي، امریکا ته د افغانانو د لېږدولو پروسه یې د امریکا د ناروغیو د کنټرول د ادارې په غوښتنه ځنډولې ده.

د امریکا د ناروغیو د کنټرول اداره وايي چې د امریکا په درو اډو کې د ۵ تنو تازه راوستل شویو افغانانو د نري رنځ ناروغي تشخیص شوې ده.

نری رنځ ساري یا اخیستونې ناروغي ده.

د پنتاګون ویندوی جان کربي د دوشنبې په ورځ وویل، د افغانانو په منځ کې د نري رنځ درې ناروغان د ویرجینیا په ډلاس هوايي ډګر کې وپېژندل شول، بله پېښه د ویسکنساس په مککاني اډه او وروستۍ د ویرجینیا په فورټ پیکټ اډه کې تشخیص شوه.

امریکا د جمعې په ورځ د لومړۍ پېښې له معلومېدو وروسته امریکا ته د افغانانو د راوستلو بهیر ودراوه.

1 COMMENT

  1. دغه خره ته زما پیام دا دی چې: بی ناموسه هغه وخت چیری وی چی افغان رهبران د کناراب چینجو غوندی د ملت په وینو اخته وو! بی ناموسه اوس طالب د افغانستان واکدار او ملت ته مسول دی او باید افغان ملت سره مرستی وشی !

LEAVE A REPLY

Please enter your comment!
Please enter your name here

- Advertisment -

ادب