دوشنبه, اکتوبر 18, 2021
Homeخبرونهد جرمني دفاع وزیره وايي، د جټک عکس العمل ځواک پلان به...

د جرمني دفاع وزیره وايي، د جټک عکس العمل ځواک پلان به وړاندیز کړي

تاند(شنبه، د سنبلې ۲۷) د جرمني دفاع وزیرې انګریت کرامپ کارینباویر به د اکتوبر تر پایه پورې د اروپايي اتحادیې د چټک عکس العمل ځواک د جوړولو پلان وړاندیز کړي.

دې فرانکفورتر الګمانیې څایتونګ ورځپاڼې ته وویل «د دې معنا به دا نه وي چې موږ باید له امریکایانو بېل شو. داسې حالات کېدای شي رامنځته شي چې د ناټو په منځ کې موږ ځینې نورې ګټې ولرو.»

دې وویل چې د افغانستان وروستیو تحولاتو دا اړ ایسته چې له خپلې دندې پر استعفا غور وکړي خو پرېکړه یې وکړه چې د استعفا پر ځای په راتلونکې کې د داسې یوه وضعیت د مخنیوي لپاره نور کار وکړي.

څرګنده نه ده چې اروپايي اتحادیه دقیقاً اوس ولې د ځانګړي عکس العمل ځواک پر جوړولو غور کوي خو دا پرېکړه یې وروسته له دې وکړه چې امریکايي پوځیان له افغانستانه ووتل او افغانستان یو وار بیا د طالبانو لاس ته ولوېده.

ډېر اروپايي چارواکي په دې خوابدي دي چې امریکا تر ډېرو پورې له افغانستانه د خپلو پوځیانو د ایستلو په اړه له خپلې ادارې د ناټو نور غړي او د افغانستان حکومت نه و خبر کړی او دا مسله سبب شوه چې نه د ناټو نور هیوادونه او نه د افغانستان حکومت د پېښېدونکې سناریو د مخنیوي لپاره تیاري ونیسي.

LEAVE A REPLY

Please enter your comment!
Please enter your name here

- Advertisment -

ادب