یکشنبه, اکتوبر 17, 2021
Homeخبرونهپه جلال اباد او کابل کې چاودنو تر ۲۰ ډېرو کسانو ته...

په جلال اباد او کابل کې چاودنو تر ۲۰ ډېرو کسانو ته مرګ ژوبله واړوله

تاند (شنبه، د سنبلې ۲۷) په کابل او جلال اباد کې نن په ۴ چاودنو کې لږترلږه ۲۴ تنو ته مرګ ژوبله اوښتې ده.

په جلال اباد کې د سهار په شاوخوا لس بجې په کابل اډې، څلورمې ناحیې او انګورباغ سیمو کې د طالبانو پر رینجر موټرو چاودنې شوي دي.

د لومړنیو معلوماتو له مخې، په دې بریدونو کې لږترلږه ۳ تنه وژل شوي او ۱۹ نور ژوبل دي.

ویل کېږي چې په مرګ ژوبلو کې طالبان او عام خلک شامل دي.

طالبانو د مرګ ژوبلو په اړه څه نه دي ویلي.

بله چاودنه تر غرمې مخکې د کابل د دشت برچې په سیمه کې وشوه چې په نتیجه کې یې ۲ تنه ژوبل شوي دي.

راپورونه وايي چې دا چاودنه په یوه کورولا موټر کې د مقناطیسي بم په نتیجه کې شوې ده.

څرګنده نه ده چې د پېښې قربانیان څوک وو.

د دواړو پېښو مسوولیت چا په غاړه نه دی اخیستی خو باور کېږي چې داعش ډله به په دغو بریدونو کې لاس ولري.

2 COMMENTS

  1. ډیر احتمال لری چه دغه کارونه د شمال لنډه غران د ګډوډی لپاره کړی وی.
    په جلال اباد کی به پخوا دغه ډول چاودنی د شمال د اوباشانو قوماندان حظرت علی لخوا تنظیم کیدلی او اوس هم شاید دغه کارونه د دغه قوماندان د ملګرو لخوا پلان شوی وی.

LEAVE A REPLY

Please enter your comment!
Please enter your name here

- Advertisment -

ادب