یکشنبه, اکتوبر 17, 2021
Homeخبرونهد یوناما مرستیال: نړۍ د طالبانو په نه فاسدوالي قانع ده

د یوناما مرستیال: نړۍ د طالبانو په نه فاسدوالي قانع ده

تاند( پنجشنبه، د میزان لومړۍ): د افغانستان لپاره د ملګرو ملتونو د سرمنشي د ځانګړي استازي د دفتر یوناما مرستیال(رامیز الاکبروف) ویلي، چې نړۍ د طالبانو د اسلامي امارت په نه فاسد والي قانع ده.

د طالبانو مالیې وزارت ویلي، چې دا خبره د یوناما دغه مقام نن د مالیې وزارت له سرپرست ملا هدایت الله بدري سره د لیدنې پر مهال کړې ده.

خپله د یوناما دفتر رسماً دا خبره تایید یا رد کړې نه ده.

ویل شوي، چې په دې لیدنه کې د یوناما یاد شوي مقام د افغانستان د وضعیت او په خاص ډول بشري بحران ته د رسیده ګۍ په تړاو له طالب لوري سره خبرې کړي.

طالب وزیر دغه نړیوال استازي ته ویلي، چې د افغانستان ستونزو ته د نړۍ نه پاملرنه به دوی ته هم سرخوږی شي.

ملګرو ملتونو پرون له افغانستان سره په روغتیایي برخه کې د ۴۵ میلیونه ډالره مرستې اعلان وکړ.

طالبان خپله هم پر مخکیني پرځول شوي حکومت خپله لویه برتري له فساده پاکوالی ګڼي، خو منتقدین یې باور لري، چې فساد د شتمنۍ او پیسو په موجودیت کې کیږي او د طالبانو تازه واکمني او مخکینۍ دواړه له فقره ډک وو، ځکه خو د فساد لپاره یې هم څه نه لرل.

LEAVE A REPLY

Please enter your comment!
Please enter your name here

- Advertisment -

ادب