دوشنبه, اکتوبر 18, 2021
Homeخبرونهجلال اباد کې ۳ داعشیان وژل شوي

جلال اباد کې ۳ داعشیان وژل شوي

تاند( پنجشنبه، د میزان لومړۍ): د طالبانو اسلامي امارت په جلال اباد ښار کې د ۳ داعشیانو د وژلو خبر ورکړی.

باختر خبري اژانس، چې اوس د طالبانو د امارت لپاره خپرونې کوي، د خپلو سرچینو په حواله دغه خبر خپور کړی.

یاد شوی اژانس وایي، چې دغه داعش وسله وال تېره شپه د جلال اباد ښار د شپږمې ناحیې اړوند په اخندزاده صیب سیمه کې وژل شوي.

د دوی د وژل کیدو په اړه نور جزیات نه دي ورکړل شوي، خو ګومان کیږي چې طالب ځواکونو به یې پرضد عملیات کړي وي.

نورو سرچینو د ادعا شویو وژل شویو د هویت په اړه څه نه دي ویلي.

جلال اباد ښار د روانې اونۍ له پيله هره ورځ د طالبانو پرضد د داعش وسله والو د وژونکو بریدونو شاهد و.

په ننګرهار کې د طالبانو د استخباراتو رئیس ویلي و، چې لسګونه داعش وسله وال یې دا اونۍ نیولي.

نړیوالو رسنیو د افغانستان په ختیځ کې د طالبانو پر وړاندې د یوه لوی جنګي قوت په توګه د داعش د را څرګندیدو وړاندوینه کړې، خو طالبانو بیا دا ګواښ جدي نه دی ګڼلی او ویلي، چې داعش جدي خطر نه دی او زر به مهار کړل شي.

LEAVE A REPLY

Please enter your comment!
Please enter your name here

- Advertisment -

ادب