سه شنبه, جنوري 25, 2022
Homeخبرونهد طالبانو امر بالمعروف په هوټلونو کې د ودونو لپاره خپل اصول...

د طالبانو امر بالمعروف په هوټلونو کې د ودونو لپاره خپل اصول وضع کړي

تاند:( پنجشنبه، د ميزان پینځلسمه) د طالبانو د اسلامي امارت د امر بالمعروف او نهی عن المنکر وزارت په هوټلونو کې د ودونو لپاره خپل اصول وضع کړي.

د دغه وزارت چارواکو پرون د کابل د يادو هوټلونو مشران ور غوښتي او خپل اصول يې ورته بيان کړي.

د‌ دغو اصولو له مخې، په هوټلونو کې واده کوونکي په ژوندۍ بڼه موسيقي نه شي لرلای، د نارينه او ښځينه وو سالون به له پارټيشن پرته جلا کيږي او د نکاح مراسم به له ډوډۍ ورکولو وروسته سرته رسيږي.

مخکې په ودونو کې ژوندۍ موسيقي دود وه، خو د نارينه او ښځينه وو سالونونه د پارټيشن په وسيله بېلېدل.

طالبانو ياد شوی پارټيشن رد کړی او ویلي، چې د نارینه او ښځینه وو غږونه ترې تبادله کیدای شي.

طالبانو دا پريکړې په داسې مهال کړي، چې په هوټلونو کې ودونه او د ښادۍ نور مراسم د پخوا په پرتله حد اقل کچې ته را ښکته شوي دي.

له دې سره، په افغانستان کې د فقر، اقتصادي او بشري ناورين سطحه په اوج کې ده، چې له کبله يې د نړيوال خوراکي سازمان په حواله سمدستي د يو ميليون افغان ماشومانو ژوند ‌د مرګ له شديد ګواښ سره مخ دی.

ويل شوي، چې دمګړۍ ۱۴ ميليونه افغانان، چې ۳ ميليونه يې ماشومان دي، په منظم ډول درې وخته د نس مړولو خواړه نه لري.

د طالبانو يادو پريکړو ته په کتو سره، خلک نیوکه لري، چې طالبان د حکومتولۍ او د مرګ ګواښ سره د لاس و پنجو نرمونکو میلیونونه خلکو ژغورلو ته د پاملرنې پر ځای په نورو بې لومړیتوبه چارو اخته دي.

طالبان بيا وايي، چې اقتصادي بحران به د‌ خدای تعالی په نصرت حلوي، خو د اسلامي شريعت نافذول ورته لومړیتوب دی، ځکه د دوی په وینا د دې هدف لپاره یې دوه لسيزې جنګ کړی دی.

2 COMMENTS

  1. دا دومره چیغی وینې تویول مرګونه او قتلونه چی اسلامی نظام جوړو ټول پدی خاطر و چی زموږ هیواد کی په ودونو کې موسیقی و او همدا کار زموږ هیواد په يو غیر اسلامی هیواد بدل کړی و … توبه خدایه د دوی ټول فکر و ذکر همدا میرمنی دي ته به وائی دا هیواد هیڅ بله ستونزه نلري، طالبان زموږ د خلکو د خوښیو او خوشحالیو دښمنان دي نن سبا په سعودی عرب کی د خوښیو په ورځو لکه ملی ورځ او ودونو کی موسیقی منع نده خو طالبانو موسیقی منع کړی سړی د دوي په افکارو حیرانیږي لطفا دا لاندی لینک وګوری چی د سعودی نجونی خپل ملی ورځ کی ترانی او سندری وائي

    https://m.youtube.com/watch?v=aWPmdaFVaWo

  2. دا دومره چیغی وینې تویول مرګونه او قتلونه چی اسلامی نظام جوړو ټول پدی خاطر و چی زموږ هیواد کی په ودونو کې موسیقی و او همدا کار زموږ هیواد په يو غیر اسلامی هیواد بدل کړی و … توبه خدایه د دوی ټول فکر و ذکر همدا میرمنی دي ته به وائی دا هیواد هیڅ بله ستونزه نلري، طالبان زموږ د خلکو د خوښیو او خوشحالیو دښمنان دي نن سبا په سعودی عرب کی د خوښیو په ورځو لکه ملی ورځ او ودونو کی موسیقی منع نده خو طالبانو موسیقی منع کړی سړی د دوي په افکارو حیرانیږي لطفا دا لاندی لینک وګوری چی د سعودی نجونی خپل ملی ورځ کی ترانی او سندری وائي

    https://m.youtube.com/watch?v=aWPmdaFVaWo

LEAVE A REPLY

Please enter your comment!
Please enter your name here

- Advertisment -

ادب