چهارشنبه, دسمبر 1, 2021
Homeخبرونهملا برادر د قزاقستان له ځانګړي استازي سره لیدلي

ملا برادر د قزاقستان له ځانګړي استازي سره لیدلي

تاند:( يکشنبه، د ميزان پينځه ويشتمه)‏ ‏د طالبانو د اسلامي امارت د رييس الوزرا مرستیال ملا عبدالغني برادر نن په خپل کاري دفتر کې د افغانستان لپاره د قزاقستان د ولسمشر ځانګړي استازي ټالګاټ کليوف او په امریکا کې د دغه هېواد د سفیر یرزان کازوخانوف سره لیدلي.

د طالبانو خبري سرچينو ويلي، چې دواړو لوريو پر اړوندو موضوعاتو خبرې کړي دي.

دوی د اړوندو موضوعاتو په تړاو جزییات نه دي ورکړي.

پرون د طالبانو د رئيس الوزرا بل مرستيال مولوي عبدالسلام حنفي د يوه پلاوي په مشرۍ د ازبکستان ترمذ ښار ته په يوه ورځیني سفر تللی و.

د روانې چارشنبې په ورځ په پام کې ده، چې د سلام حنفي په مشرۍ يو بل پلاوی د روسیې پلازمېنې مسکو ته لاړ شي او هلته د افغانستان په اړه جوړيدونکي کنفرانس کې برخه واخلي.

طالبان د سيمې له مختلفو هېوادونو سره ښې اړيکې لري، خو د دوی په ګډون تر ټولو اصلي ملاتړي يې پاکستان هم لا د طالبانو رژيم په رسميت نه دی پېژندلی.

د طالبانو له واکمنیدو سره، افغانستان له شديد بشري او اقتصادي ناورين سره مخ دی.

دا ډله تمه لري، چې سيمه یيز هېوادونه به لږ تر لږه په ارزانه بيه د لومړنيو خوراکي توکيو په صادراتو کې لاس ورکړي.

ويل کيږي، چې د منځني اسيا ځينو هېوادونو له افغانانو سره د بشري خواخوږۍ له مخې په دې برخه کې د طالبانو ځينې غوښتنې منلي او له کبله يې د خوراکي توکيو په اوج ته رسيدلو بیو کې بيرته لږ کمښت راغلی.

LEAVE A REPLY

Please enter your comment!
Please enter your name here

- Advertisment -

ادب