سه شنبه, دسمبر 7, 2021
Homeخبرونهد ایران ولسمشر د افغانستان لپاره نوی ځانګړی استازی وټاکه

د ایران ولسمشر د افغانستان لپاره نوی ځانګړی استازی وټاکه

تاند (دوشنبه، د میزان ۲۶مه) د ایران ولسمشر سید ابراهیم رييسي پرون / یکشنبه د کابینې په غونډه کې حسن کاظمي قُمي د افغانستان په چارو کې د ایران د ځانګړي استازي په توګه معرفي کړ.

د ایران ولسمشر د کندهار په فاطمیه جومات کې د لسګونو لمونځ کوونکو مرګ ژوبلو ته په اشارې وویل چې د افغانستان له خلکو سره د خواخوږۍ د څرګندولو ترڅنګ له اسلامي علماوو او نړیوالو اورګانونو د خپلو افغان وروڼو او خویندو مصیبتونو ته د پاملرنې غوښتنه کوي.

د ایران ولسمشر بې له دې چې د طالبانو یا د اسلامي امارت نوم واخلي، وویل چې د افغانستان له واکمنانو غواړي چې د ملت د امنیت په ټینګولو کې پر خپل مسوولیت د عمل کولو په ترڅ کې د امنیت په راوستلو کې له ولسي ظرفیتونو کار واخلي.

حسن کاظمي قُمي، چې د ایران د کابینې په غونډه کې د افغانستان لپاره د ایران د ولسمشر ځانګړی استازی اعلان شو، تر دې وړاندې په عراق کې د ایران د سفیر او همداراز د افغانستان په هرات کې د ایران د جنرال کونسل په توګه دندې ترسره کړي دي.

1 COMMENT

LEAVE A REPLY

Please enter your comment!
Please enter your name here

- Advertisment -

ادب