چهارشنبه, دسمبر 1, 2021
Home+له افغانستان سره تړلی انیمشن اسکار ته کاندیدېږي

له افغانستان سره تړلی انیمشن اسکار ته کاندیدېږي

تاند (پنجشنبه، د میزان ۲۸مه) د چکي ډایریکترې میخایله پاولاتوفا فلم زما لمرین (ماد) به د اسکار د انمېشن فلمونو برخې ته کاندید شي.

دا فلم، چې پر یوه افغان سړي د یوې واده شوې چکۍ ښځې په اړه دی، د چک، فرانسې او سلواکیا ګډ تولید دی.

دې فلم مخکې لا د فرانسې په انیسي فیستوال کې د ژوري جایزه او د مکسیکو په (Guadalajara) فیستوال کې جایزه ګټلې ده.

زما لمرین ماد (My Sunny Maad) فلم د هغې چکۍ ښځې ژوند انځوروي چې پر یوه افغان ځوان مینېږي او د طالبانو د حکومت له پرزېدو وروسته پسې افغانستان ته ځي؛ هغه ځای چې دا یې د ژوند په اړه هیڅ تصور نه لري او نه هغه کورنۍ د دې انتظار لري چې دا ورسره یوځای کېږي.

دا کیسه د چکي ژورنالیستې او د بشري چارو د کارکوونکې پیترا پروخازکوفا له ناول (فرشته) څخه اخیستل شوې او ایوان ارسینیف ورڅخه سناریو جوړه کړې ده.

دا د میخایله پاولاتوفا لومړنی اوږد انېمشن فلم دی. دې په ۲۰۱۲ کې د ټرم فلم په خاطر د لنډو فلمونو د اکاډیمۍ بلوري میډال ګټلی و.

د غوره انییمېشن فلمونو کاندیدان به د ۲۰۲۲ د فبرورۍ په ۸ مه اعلان او د مارچ په میاشت کې به جایزې ورکړل شي.

LEAVE A REPLY

Please enter your comment!
Please enter your name here

- Advertisment -

ادب