پنجشنبه, جنوري 20, 2022
Homeخبرونهامکانات او ډوډۍ نه وه، خوست روزنتون بند او يتيمان يې رخصت...

امکانات او ډوډۍ نه وه، خوست روزنتون بند او يتيمان يې رخصت شول

تاند:( يکشنبه، د ليندۍ دويمه) په افغانستان کې د بشري ناورين له شدت سره، طالبانو په خوست کې د امکاناتو او ډوډۍ د نشتوالي له کبله ليلیه لرونکي یتیمان خپلو کورونو ته رخصت کړي دي.
د دغه روزنتون يوه مسوول سورګل رسنيو ته ويلي، چې په دې روزنتون کې يوازې ۶ هغه ماشومان پاتې دي، چې نيږدې خپلوان او کورونه، نه لري.
ويل شوي، چې مخکې په خوست روزنتون کې ۳۵ يتيمان لیلیه وو.
د روزنتون منسوبينو ويلي، چې له ۳ مياشتو راهيسې دوی ته هم معاشونه نه دي ورکړل شوي.
د خوست د اطلاعاتو او فرهنګ رئيس شبير احمد عثماني ويلي، چې د اقتصادي ستونزو له حليدو سره به رخصت شوي يتيمان بیرته را وغوښتل شي.
طالب مشرانو ژمنه کړې، چې يتيمانو ته به خاصه پاملرنه وکړي.
د دوی له واکمنیدو سره افغانستان يو بيساری بشري ناورين تجربه کوي.
نن د کابل په لويديځ کې ۸ يتيم ماشومان، چې د يوې کورنۍ غړي وو، د لوږې له کبله مړه شول.
نړيوالو ادارو د ۳ ميليونه نورو ماشومانو په اړه هم جدي خبرداری ورکړی، چې د شديد فقر له وجې ممکن مړه شي.
طالبانو نن د فقر د شدت له کبله د کرنې وزارت د غنمو ملي زېرمې، چې يوه وروستۍ اسره وه، پرانيسته څو د اوبو د مدیریت په يوه پروژه کې خلک کار ته استخدام او په بدل کې غنم ورته ووېشي.

5 COMMENTS

  1. سړی حیران شي چې طالب چارواکي څنګه د شپی آرامه خوب کوي: تاسو دا لاندی خبرونو ولولئ :

    – خوست کې روزنتون پدی خاطر وټړل شو چې امارتی نظام ، ماشومانو ته خوړو په برابرولو کې پاتې راغلې

    ـ لوګر ولایت کې بندیان غرمه خپل کور ته د ډوډی خوړلو لپاره ځې او بیا بیرته محبس ته راځې.

    ـ اوس هم د هیواد په کلیو او باڼدو کې طالبان کلیوال مجبوره وي چې ورته ډوډۍ راوړي.

    ـ څو ورځی مخکې رسنیو کې خبر خپور شو چې اته تنه معصوم ماشومان همدا کابل کې د لوږی له لاسه خپل ژوند له لاسه ورکړي.

    ـ تر اوسه په هرات ، قندهار ننګرهار کابل او څو نورو ولایتونو کې د تیر نظام کارکونکي پدی خاطر چې خپلو بچو ته د وچې ډوډی د برابرولو توان یی نه لره په ځان وژنی لاس پوری کړی.

    ـ حضوری چمن کی همدا اوس لسګونه کونډی رنډی خپلو بچو ته د یومړی ډوډی د برابرولو پخاطر دکور اسباب خرڅوي.

    دا زموږ د خلکو او هیواد د زړه بوګنونکي حالت یواځی څو بیلګی دي چې ټوله نړی یی ورخطا کړی مګر د امارتي چارواکي بیغمه خپلو چوکیو کې ناست او ورځ په ورځ پړسیګي.
    بما خو په خپل ژوند کې داسی بیغیرته، سرتمبه ، بی عاطفی او بی احساسه چارواکي ندي لیدلي

  2. سلامونه،
    امکانات خو مخکینیو رژیمونو خپلو جیبونو او بهرني بانکونو کې کنګل کړي دي .لاکن ، د قطر، کویټې، پیښور او نورو خیټورو سیاسي مشران چې اوس به هم په ډالرو او دینارو معاشونه اخلي
    – + هغه ګلمرجانها !! چې په سلونو بلیونه ېې له کومه پیدا کړي ؟! د همدې ماشومانو او کوڼډو رڼډو د پلرونو په وینو معاملو !
    ولې یو انساني، اسلامي اوغاني حتی جهادي!!! او عمري رګ نه خوځوي؟؟؟؟
    .او دکابل د غرب خو د محقق سوء تبلیغات دي. هاغه د زغره وال لڼډ کروزر او د باډیګارډانو پیسې دې زکات ورکړي!!!.
    ( من این لهم هاذا؟) او) بِ اَی ذنب قتلت؟؟(

LEAVE A REPLY

Please enter your comment!
Please enter your name here

- Advertisment -

ادب