سه شنبه, دسمبر 7, 2021
Homeخبرونهد افغانستان په اړه د تهران غونډه، طالبان يې نه دي ورغوښتي

د افغانستان په اړه د تهران غونډه، طالبان يې نه دي ورغوښتي

تاند:( دوشنبه، د ليندۍ درېیمه) د ايران پلازمېنه تهران راتلونکې چارشنبه د افغانستان په اړه د سیمې د هېوادونو د بهرنیو چارو وزیرانو د يوې غونډې کوربه دی.

د طالبانو وياند ذبيح الله مجاهد وايي چې دغې غونډې ته دوی نه دي بلل شوي.

ایران هم تراوسه نه دي ویلي چې طالبانو ته یې په دې غونډه کې د ګډون بلنه استولی کنه خو مجاهد وویل، دا غونډه د افغانستان په ګټه ده.

ويل شوي، چې په تهران کې د چارشنبې ورځې په غونډه کې د پاکستان، ازبکستان، تاجکستان او ترکمنستان د بهرنیو چارو وزیران ګډون کوي.

 د چین د بهرنیوچارو وزیر به هم په آنلاین ډول په غونډه کې حاضر وي خو په غونډه کې د روسیې د ګډون په اړه تراوسه څه نه دي ویل شوي.

په ايران کې له طالبانو سره د اړيکو په اړه د دغه هېواد سیاستوال په خپل منځ کې اختلاف سره لري.

ځینو ايراني رسنيو او سياستوالو له طالبانو څخه د ايران مخکينی او تراوسه پورې دوام لرونکی ملاتړ یوه ستراتیژیکه تېروتنه ګڼلې او دغه هېواد سره يې د طالبانو د مخکينۍ دښمنۍ يادونه کړې.

د طالبانو ملاتړي ايراني سياستوال بیا باور لري، چې طالبان د داعش ډلې له خطرونو څخه د سيمې د ساتلو په برخه کې ورته مرستندويه تماميږي.

LEAVE A REPLY

Please enter your comment!
Please enter your name here

- Advertisment -

ادب