دوشنبه, نوومبر 29, 2021
Homeخبرونهایران: سبانۍ غونډه مو په افغاني حل لاره، د افغانستان د ستونزې...

ایران: سبانۍ غونډه مو په افغاني حل لاره، د افغانستان د ستونزې حلولو لپاره ده

تاند:( سې شنبه، د ليندۍ څلورمه) د ایران د بهرنیو چارو وزارت ویاند سعید خطیب زاده نن په تهران کې د افغانستان په اړه د سیمې د بهرنیو چارو د وزیرانو په ګډون د ترسره کیدونکې سبانۍ غونډې په اړه رسنیو سره خبرې کړي.

نوموړي ویلي، چې یاده ناسته به د ایران د بهرنیو چارو ،وزیر امیر عبداللهیان په وینا پرانیستل شي.

ازبکستان، تاجیکستان، ترکمنستان او پاکستان هغه هېوادونه دي، چې د بهرنیو چارو وزیران به یې د روسیې د استازي ترڅنګ په یاده انلاین غونډه کې ګډون ولري.

 د ایران د بهرنیو چارو وزارت ویاند په دغه ناسته کې د ایران د ولسمشر ابراهیم رئیسي د وینا یادونه هم کړې ده.

د ده په خبره، د ملګرو ملتونو د سرمنشي پيغام به هم له دغې انلاین غونډې سره شریک شي.

په افغانستان کې د تلپاتې سولې د رامنځته کیدو او له افغاني حل لارې څخه د افغانستان د ستونزې د حل لپاره استفاده د یادې غونډې اساسي هدفونه ګڼل شوي دي.

 طالبانو پرون وویل، چې دغې غونډې ته بلل شوي نه دي، خو د ښو پایلو هیله یې لري.

 تېره چارشنبه د روسیې پلازمېنه مسکو هم د افغانستان په اړه د یوې ورته غونډې کوربنه وه.

له دې سره خوا کې، د چین د بهرنیو چارو وزیر پرون د قطر پلازمېنې دوحې ته تلی څو هلته د طالبانو د رئیس الوزرا له مرستیال ملا عبدالغني برادر او د بهرنیو چارو وزیر مولوي امیرخان متقي سره پر دوه اړخیزو اړیکو او نورو موضوعاتو وغږیږي.

په افغانستان کې د طالبانو له واکمنیدو او په دغه هېواد کې د بشري ناورین له شدت سره، افغانستان د سیمې او نړۍ د هېوادونو او مهمو سازمانونو د بحثونو یو مهم سرټکی ګرځیدلی دی.

LEAVE A REPLY

Please enter your comment!
Please enter your name here

- Advertisment -

ادب