دوشنبه, نوومبر 29, 2021
Homeخبرونهصالح: طالبان په پيسو وران دي، جنګياليو ته تخصیص نه لري

صالح: طالبان په پيسو وران دي، جنګياليو ته تخصیص نه لري

تاند:( سې شنبه، د ليندۍ څلورمه) د افغانستان د بې واکه شوي ولسمشر اشرف غني لومړي مرستيال امرالله صالح د طالبانو تر منځ د مالي اختلافاتو خبر ورکړی.

هغه نن په خپله ټويټر پاڼه کې لیکلي، چې نن د همدې اختلافاتو له کبله د طالبانو پوځي مشران خپلو جنګیالیو ته د ژمني تخصیص په اړه يوه غونډه کې پايلې ته نه دي رسېدلي.

د صالح په وينا، د طالبانو ماليې وزارت حقاني شبکې ( چې هغه ترهګره شبکه ګڼلې) په خپل واک کې نيولې او ځانته ډېر سهم غواړي ډ

 د امرالله صالح په وينا، د طالبانو په داسې ناستو کې د خلکو د وضعيت په اړه هيڅ بحث نه کيږي.

 صالح يو ځل بيا پاکستان د دغه وضعيت مسوول ګڼلی او ويلي ژ چې دغه هېواد ته د ترهګرۍ ملاتړ ارزانه و، خو په افغانستان کې به یې د رامنځته کړي ترهګريز رژيم ساتل او په دې ډول د افغانستان خوړل ورته ناممکنه تمام شي.

طالبانو د امرالله صالح ادعا او تورونو ته کوم غبرګون نه دی ښودلی.

طالبانو له واک ته رسېدو راهيسې د خپلو اقتصادي غونډو، اقتصادي تګلارې او د حکومتولۍ د نورو موضوعاتو جزييات خلکو ته نه دي روښانه کړي.

دا په داسې حال کې ده، چې افغانستان په تاريخي لحاظ د خپل عصر تر ټولو بېساری بشري او اقتصادي ناورين سره لاس و ګریوان دی.

نن د ملګرو ملتونو د نړيوال سازمان سرمنشي خبرداری ورکړ، چې افغانستان د نړۍ په کچه په تر ټولو ستر ناورين بدلیدونکی دی.

څو ورځې مخکې د کابل ښار په لويديځ کې د لوږې له کبله د يوې کورنۍ د اتو ماشومانو د مړينې خبر ورکړل شو.

نړيوالو بشري ادارو ويلي، چې د افغانستان ۳۰ لکه ماشومان سمدستي د شديد فقر له کبله د مرګ ګواښ سره مخ دي او په ټوله کې ۲۲ ميليونه کسان لازمو خوړو ته لاسرسی نه لري.

د فقر له کبله په یو شمېر ولایتونو کې ځينې کسانو ځانوژنه هم کړې، خو طالبانو یې په اړه څه نه دي ويلي.

LEAVE A REPLY

Please enter your comment!
Please enter your name here

- Advertisment -

ادب