سه شنبه, جنوري 25, 2022
Homeخبرونها.ا: ملا هیبت الله په لومړي ځل يوه مدرسه کې وینا کړې...

ا.ا: ملا هیبت الله په لومړي ځل يوه مدرسه کې وینا کړې ده

تاند:( شنبه، د عقرب اتمه) د طالبانو اسلامي امارت ادعا کړې، چې اميرالمومنين یې ملا هیبت الله اخوند زاده نن په لومړي ځل په يوه مدرسه کې وینا کړې ده.

د طالبانو يوه مطبوعاتي کس محمد جلال دا خبره نن په خپله ټويټر پاڼه کې کړې ده.

 نوموړي ويلي، چې هیبت الله نن د کندهار ولايت په حکیمه دارالعلوم کې يو شمېر طالبانو ته وينا کړې ده.

 هغه له دې ادعا سره سره د هيبت الله کومه مستنده ويډيو، غږ يا تصوير نه دی خپور کړی.

د‌ هيبت الله اخوند زاده د دې وينا ادعا په داسې حال کې شوې ده، چې په وروستيو کې په پرله پسې ډول د نوموړي د مرګ ادعاوې کېږي.

طالب وياندويانو دا ادعا رد کړې او ويلي، چې نوموړی ژوندی او په کندهار ولایت کې دی، خو د امنيتي ګواښونو له کبله نه څرګنديږي.

د طالبانو منتقدین بيا وايي، چې دوی د خپل اميرالمؤمنين امنيت نه شي ساتلی، وطن به څنګه ساتي او حکومتولي به څنګه کوي؟

د ملا هیبت الله غیابت د خلکو دا شک، چې نوموړی ډير پخوا په بلوچستان ایالت کې د کورونا په ناروغۍ مړ شوی دی، لا قوي کوي.

3 COMMENTS

  1. خوسی خبری دی هیبت لا پخوا وژل شوی عجیبه خو داده چی د نورو ملایان امنیت ته دومره توجه نشته دا چی څوک یی پیژنی نه چی څوک دی او د کوم ځای ده دومره مهمه شو. الله خبر چی واقعیت به لری کنه.

  2. د دوه ویشتم ځل لپاره عرض کوم چی:
    انګریز د تاریخ په ” اوږدو ” کی موږ پېژندلی یو
    خو
    موږ د تاریخ په ” عرض ” کی انګرېز نه دئ پېژندلئ
    او
    داسی ښکاری چی نه غواړو و ئې پېژنو
    نو
    ځکه
    فرریادونه تر خولو راباسو
    خو
    پوهېږو نه چی ” درد ” مو چیرته دئ.

  3. امکان لري له قبره ورته ويديويي وينا کړې وي. نو اوس دوۍ د هغه ورستو سويو هډوکو ته روح ورکوي ؟ طالب جانه !! الله ﷻ په قران کريم کې ويلي لعنت الله علي الكاذبين. ايا تاسي لعنت الله ياست سي درواغ واياست ؟ نو ولي بيا ويديو نه خپروۍ ؟ بس ده نور د ولس په سترګو لاس يښودل الله ﷻ مو وشرموه له دغه هيبته سره.

LEAVE A REPLY

Please enter your comment!
Please enter your name here

- Advertisment -

ادب