پنجشنبه, جنوري 27, 2022
Homeخبرونهروسیه او ایران د افغانستان په اړه د هند غونډه کې ګډون...

روسیه او ایران د افغانستان په اړه د هند غونډه کې ګډون کوي

تاند:( شنبه، د عقرب پینځلسمه) ‏هندي رسنۍ د خپلو دولتي سرچینو په حواله وايي، چې روسیې او ایران د افغانستان په اړه د هندوستان په منځګړتوب په جوړیدونکې غونډه کې برخه اخلي.

د دوی په حواله، یاده غونډه د روانې چارشنبې په ورځ د نومبر میاشتې په لسمه ترسره کیږي.

د دې غونډې مشري به د هندوستان د ملي امنیت سلاکار آجیت دوال وکړي.

هندي رسنیو د خپلو سرچینو په حواله، په دې غونډه کې د پاکستان د ملي امنیت د سلاکار د نه ګډون پریکړه د خواشینۍ وړ ګڼلې ده.

د سرچینې په حواله، پاکستان افغانستان ته د خپلې واک لاندې سیمې په سترګه ګوري او ورته مناسب نه ښکاري، چې هندوستان یې د سیال په توګه د افغانستان په اړه د یوې مهمې لوړپوړې غونډې کوربه وي.

د یادې غونډې اجنډا تر اوسه ډېر نه دي رسنیز شوي.

پاکستان ویلي، چې هندوستان د افغان سولې همکار نه؛ بلکې خنډ دی، ځکه خو یې په کوربه توب جوړیدونکې غونډه بایکاټ کوي.

 د طالبانو له واکمنیدو وروسته، روسیه د طالب استازو په ګډون او ایران د هغوی له ګډون پرته د افغانستان په اړه د دوو غونډو کوربانه وو.

طالبانو تراوسه، په هندوستان کې د کیدونکې غونډې په اړه غبرګون نه دی ښودلی او نه ده معلومه، چې هلته به یې کوم پلاوی ګډون ولري کنه؟

د هندوستان په کوربه توب دا غونډه د سیمې د مختلفو هېوادونو د ملي امنیت د سلاکارانو په کچه ترسره کیږي.

1 COMMENT

  1. د افغانستان د سولې او پرمختګ اصلي دشمن پاکستان دی، د پنجاب اداره د سیمې تر ټول سفاکه او وحشت خپرونکې اداره ده.

LEAVE A REPLY

Please enter your comment!
Please enter your name here

- Advertisment -

ادب