سه شنبه, جنوري 25, 2022
Homeخبرونهعبدالباقي حقاني: د اقتصادي ستونزو له کبله دولتي پوهنتونونه نه شو پرانيستلی

عبدالباقي حقاني: د اقتصادي ستونزو له کبله دولتي پوهنتونونه نه شو پرانيستلی

تاند:( چار شنبه، د عقرب شپږ ویشتمه )‏ طالبانو دا ځل د دولتي پوهنتونونو د ‌نه پرانيستل کيدو دليل د دوی د ادارې اقتصادي ستونزې ګڼلي دي.

 د دوی د لوړوړ زدکړو وزیر عبدالباقي حقاني دا خبره نن د جرمني د ستراتیژيکې پراختیا کمپنۍ د اسیا له مسول حشمت الله مرادي سره په کتنه کې کړې ده.

 حقاني د دغو اقتصادي ستونزو په اړه جزییات نه دي ورکړي، خو ویلي یې دي چې خصوصي پوهنتونونه پرانستي دي او تدریس په کې روان دی.

د لوړوزدکړو وزارت په یوه خبرپاڼه کې ویلي چې دې کتنه کې د جرمني کمپنۍ په بېلابېلو برخو کې وزارت ته د همکارۍ ډاډ ورکړ.

د یوشمېر پوهنتونونو ودانیزې چارې، د کابل پوهنتون معیاري کول او پوهنتونونو کې د انټرنیټي خدمتونو پیاوړي کول، هغه برخې دې چې طالبانو د جرمني مرسته په کې غوښتې.

د طالبانو له راتګ وروسته پر دولتي پوهنتونونو سربیره په اکثرو ولایتونو کې د نجونو منځني او د لیسې دورې ښونځي هم تړلي دي.

زده کوونکو او محصلانو له دې وړاندې په وار وار غوښتنه کړې چې د تعلیمي بنسټونو دروازې باید ورته پرانستل شي.

نن د طالبانو د امر بالمعروف وزیر شېخ محمد خالد ویلي، چې نجونې د دوکتورا تر کچې په اسلامي چوکاټ کې د زده کړو حق لري.

دا په داسې حال کې ده، چې دغې ډلې تر شپږم ټولګي پورته نجونو ته د زده کړو اجازه نه ده ورکړې.

2 COMMENTS

  1. د دغو مرده ګاوو په خبرو هیڅ اعتبار نشته په والله قسم کول که سږ د نجونو مکتبونه شروع کړی. د قوس په میاشت واوره راځی مکتبونه بدون له هغه هم رخصت کیږی. دوی د علم او دانش دشمنان دی، دوی له پخوا مکتب او پوهنتون سره دښمنی لرله بیا دا خر جاهله وزیر د آی اس آی کس دی دوی مؤظف دی ته دی چی د افغانستان اقتصادی او ښوونځ بسټونه ویجاړ کړی ملت ټول د پنجابیانو محتاجه وګرځوی. الله د دوی ورک او نابود کړی د هغه ښه ملا ښځه غی.

  2. ولي مدرسې لوطخانې خو پرانيستې دي هغه ولي نه بنديږي ؟ که هغوۍ ته له اسمانه پاخه پسونه راځي ځکه ددين پتنګان دي. لعنت ستا په دغه منحوسه خنزيره جوسه 🐖

LEAVE A REPLY

Please enter your comment!
Please enter your name here

- Advertisment -

ادب