پنجشنبه, جنوري 20, 2022
Homeخبرونهد ایټالیا صدراعظم وايي، شربت ګله یې له افغانستانه وایستله

د ایټالیا صدراعظم وايي، شربت ګله یې له افغانستانه وایستله

تاند (پنجشنبه، د قوس ۴ مه) له افغانستان څخه د مطرح او مشهورو کسانو د ایستلو په لړ کې د نشنل جیوګرافيک مجلې پر پښتۍ د مشهور عکس خاونده شربت ګله هم له افغانستانه وایستل شوه او ایټالیا ته ورسېده.

دا خبره د ایټالیا حکومت نن (پنجشنبې) اعلان کړه.

د ایټالیا د صدراعظم ماریو دراګي دفتر وویل، ایټالیا وروسته له دې د شربت ګلې په ایستلو کې مرسته وکړه چې هغې له افغانستان څخه د وتلو په برخه کې مرسته وغوښته.

شربت ګله په ۱۹۸۴ م کال، چې د پېښور ښار په لمنه کې د کډوالو په یوه کمپ کې اوسېده او نامتو عکاس مک کارټي یې عکس خپور کړ، په درسته نړۍ کې مشهوره شوه.

دا عکس د نشنل جیوګرافیک مجلې پر پښتۍ چاپ شو.

مکارتي په ۲۰۰۲ م کال بریالی شو چې شربت ګله بیا ومومي.

په ۲۰۱۴ م کال دا په پاکستان کې وه خو وروسته له دې چې پاکستاني چارواکو پرې تور ولګاوه چې د دغه هیواد جعلي اسناد یې جوړ کړي، د افغانستان د حکومت په غوښتنه کابل ته واستول شوه او پخواني ولسمشر اشرف غني په کابل کې د استوګنې لپاره اپارتمان ورکړ.

1 COMMENT

  1. thanks from Italy government.
    they give political asylum to former king markhoom mohammed zahier family
    I WISH FROM AFGHANS TO STAY IN AFGHANISTAN.
    BUILD YOUR OWN COUNTRY,
    PLEASE DO NOT TRANSFER HUMAN ENERGY TO WESTERN WORLD,
    THANK YOU

LEAVE A REPLY

Please enter your comment!
Please enter your name here

- Advertisment -

ادب