دوشنبه, نوومبر 29, 2021
Home+د طالبانو د اطلاعاتو او کلتور وزیر د ملي موزیم اثار ولیدل

د طالبانو د اطلاعاتو او کلتور وزیر د ملي موزیم اثار ولیدل

تاند (پنجشنبه، د عقرب ۴مه) د طالبانو د اطلاعاتو او کلتور سرپرست وزیر خیرالله خیرخواه نن (پنجشنبې) په کابل کې ملي موزیم ته لاړ او د دغه مهم موزیم اثار یې له نژدې ولیدل.

د طالبانو د حکومت یوه ویندوی انعام الله سمنګاني ویلي چې دا موزیم پرانیستل شو.

د کابل موزیم په تېرو څه باندې ۱۰۰ ورځو کې د لیدونکو پر مخ بند و.

سمنګاني ویلي چې د موزیم هیڅ اثر زیانمن شوی نه دی او نور اثار هم ورزیات شوي دي.

ده همداراز ویلي چې د طالبانو د اطلاعاتو او کلتور وزارت په پام کې لري چې د تاریخي عکسونو د ساتنې او نندارې لپاره یو ستر کمپلیکس جوړ کړي.

طالبانو په تېره دوره کې نه یوازې د بامیان دوې سترې مجسمې ویجاړې کړې بلکې د کابل موزیم ځینې ډېر ارزښتناک لرغوني اثار یې هم ویجاړ کړل.

دې کارونو طالبان په نړۍ کې د یوې متحجرې او ناپوهې ډلې په توګه مشهور کړل خو دا ځل طالبانو تاریخي اثار نه دي ویجاړ کړي.

په تېرو شلو کلونو کې د طالبانو په منځ کې معتدل عناصر پیدا شوي چې د زوړپالو په شان فکر نه کوي.

LEAVE A REPLY

Please enter your comment!
Please enter your name here

- Advertisment -

ادب