جمعه, جنوري 21, 2022
Homeخبرونهد جمهوريت پاسپورټونو وېش به د پخوا په شان دوام لري

د جمهوريت پاسپورټونو وېش به د پخوا په شان دوام لري

تاند:( دوشنبه، د قوس اتمه)‏‏‏‏ طالبان وايي هغه راپورونه ریښتیا نه دي چې طالبان تر دې وروسته د خپلې لوګو سره پاسپورتونه ورکوي.

د طالبانو یوه ویاند انعام الله سمنګاني پر خپله ټوېټر پاڼه لیکلي چې دا راپورونه حقیقت نه لري.

د هغه په وينا، پاسپورټونه به همداسې د جمهوریت د وخت لوګو سره توزیع کیږي.

په ورته وخت کې د بهرنيو چارو وزارت ويلي، په سعودي عربستان کې افغان سفارت ته يې تر پینځو زرو پورې افغان پاسپورټونه استولي.

د وزارت په حواله، که په نورو هېوادونو کې هم د افغان پاسپورټونو اړتيا شوه، پاسپورټونه به ور واستوي.

طالبانو په دې اړه نور جزییات نه دي ورکړي.

د جمهوري نظام له وروستيو مياشتو څخه لسګونه زره افغانانو د پاسپورټونو اخيستو ته ډېره مخه کړې وه.

په دې ترڅ کې لسګونه زرو کسانو د پاسپورټ اخيستلو لپاره نوم لیکنه کړې وه، چې ځينو پاسپورټونه ترلاسه او يوه لويه برخه نور په تمه پاتې شول.

د طالبانو له واکمنیدو سره، چې له هېواده د وتو بهير خورا چټک شو، پر پاسپورټونو ګڼه ګوڼه نوره هم زياته او په دې لړ کې د پراخ فساد خبرونه ورکړل شول.

طالبانو د فساد په تور د لسګونه تنو د نيولو خبر ورکړی، خو له دې سره لا هم د پاسپورټونو په ویش کې د فساد او ګډوډۍ شکايتونه په شدت سره دوام لري.

LEAVE A REPLY

Please enter your comment!
Please enter your name here

- Advertisment -

ادب