پنجشنبه, جنوري 20, 2022
Homeخبرونهد ولسمشرۍ پخوانی نوماند او د يوه سياسي ګوند مشر ومړ

د ولسمشرۍ پخوانی نوماند او د يوه سياسي ګوند مشر ومړ

تاند:( سې شنبه، د قوس نهمه)‏‏‏‏ د افغانستان د ولسمشريزو ټاکنو يو پخوانی نوماند او د عدالت او توسعې ګوند مشر ذبیح الله غازي نورستانی ومړ.

ويل شوي، چې نوموړی په امريکا متحده ايالاتو کې مړ شوی دی.

د نورستان پخواني والي جمال الدين بدر ويلي، چې نوموړی د هېواد له پاک نفسو سياستوالو څخه و او د پخواني شوروي خلاف جهاد کې يې مهمه ونډه لرله.

د ذبيح الله غازي نورستاني يو شمېر نورو دوستانو هم د نوموړي د مړينې خبر تاييد کړی.

د هغه د ژوند او فعاليتونو په اړه نور جزییات نه دي تر لاسه شوي.

مرحوم نورستانی د ۲۰۰۹ په ولسمشريزو ټاکنو کې نوماند او د حامد کرزي په مشرۍ د هغه مهال د حکومت له توندو منتقدینو څخه و.

ويل شوي، چې نوموړی لومړنی نورستانی و، چې د ولسمشرۍ څوکۍ ته نوماند شوی و.

1 COMMENT

  1. خدای دې وبخښی له پاک نفسی یې خبر نه یم خو ډیر سخي سړی وه، ماسره یې د پنځوس جریبه آوي ځمکی وعده کړې وه چې کله رییس جمهور شو، خو موږ چیری دومره طالع لرو.
    او پاک نفسه خو جمال الدین بدر دی، خدای د بدر په مجایدینو کې ایساب کړي، بدرصاحب به ترهغه دکومکی غنمو پیسی او دآسمانی پولیسو معاشونه جیب ته نه وړل ترڅو به یی چی شرعی اوعشر د سیاپ اکاونټ ته نه وه اچولی

LEAVE A REPLY

Please enter your comment!
Please enter your name here

- Advertisment -

ادب