جمعه, جنوري 28, 2022
Homeخبرونهنبیل: ISI د پاکستانيانو د شکنجې لپاره عمران خان صدراعظم ټاکلی

نبیل: ISI د پاکستانيانو د شکنجې لپاره عمران خان صدراعظم ټاکلی

تاند:( شنبه، د قوس ديارلسمه)‏ د افغانستان د ملي امنيت پخواني رئيس رحمت الله نبیل د پاکستان استخباراتي اداره آی ايس آی د پاکستانيانو په شکنجه کولو تورنه کړې او ويلي، چې دغه اداره په مختلفو بڼو دا کار تر سره کوي.

نبیل دا څرګندونې په خپله ټويټر پاڼه کې د پاکستان د مالیې د پخواني وزير اسحق دار د هغو نيوکو له ريټويټ کولو سره کړي، چې د پاکستان د مخ په زوال اقتصاد په اړه يې کړي.

اسحاق دار ویلي، چې د عمران خان حکومت د پاکستان د اقتصادي نظام د پاشلتيا سبب شوی.

دار، دغه راز ویلي چې په پاکستان کې د عمران خان د حکومت ناسمو تګلارو د بې کارۍ، فقر او نورو ستونزو کچه زياته او داخلي تولیدات یې خورا کم کړي.

رحمت الله نبیل بیا ویلي، چې عمران خان د پاکستاني استخباراتو لخوا په دې خاطر صدراعظم شوی، چې پاکستانيان شکنجه کړي.

نبیل له پاکستاني سياست جوړونکو غوښتي، چې په سیمه کې د ترهګریزو مداخلو پر ځای پر خپلو کورنيو ستونزو تمرکز وکړي.

پاکستان په وروستيو کې د نړیوالو پورونو او د دغو پورونو د سود د زياتوالي، په افغانستان کې د ولسمشر غني د حکومت پر مهال د اقتصادي مارکيټ د خرابېدو او نورو ستونزو له کبله سختو اقتصادي صدمو سره مخامخ شوی دی.

LEAVE A REPLY

Please enter your comment!
Please enter your name here

- Advertisment -

ادب